Teuta vazhdon të shtojë radhët dhe ditën e sotme ka nënshkruar mbrojtësi Igli Moqi, i cili vjet ishte pjesë e skuadrës së Besës së Kavajës.
Në të shkuarën ai ka luajtur me Besëlidhjen e Lezhës dhe është produkt i moshave të Shkëndijës së Tiranës, ku ka mbajtur edhe shiritin e kapitenit.
“KF Teuta ka kënaqësinë të njoftojë se mbrojtësi vlonjat, Igli Moqi është zyrtarisht pjesë e skuadrës sonë.
Klubi ynë ka arritur ditën e sotme një marrëveshje 1 vjeçare me lojtarin 24 vjeçar, i cili vjen te Teuta pas paraqitjeve shumë të mira në ekipin e Besës.
KF Teuta i uron mirëseardhje mbrojtësit dhe shumë suksese me fanellën e klubit tonë”, njofton klubi durrsak. /abcnews.al
