Loading ...Detaje të tjera janë zbardhur nga ngjarja e ndodhur gjatë natës në Tiranë, ku një banesë në katin e pestë të një pallati u përfshi nga flakët. Gazetari Ervin Leka, duke cituar burime nga policia, thekson se zjarri ka rënë në pjesën e kuzhinës së apartamentit dhe më pas është përhapur nëpër shtëpi.
57 vjeçari që ndërroi jetë është gjetur në dhomën e gjumit, i cili sipas policisë nuk është prekur nga zjarri. Dyshohet se 57 vjeçari ka ndërruar jetë si pasojë e asfiksimit nga tymi që është përhapur në banesë. Mësohet se viktima kishte një fëmijë dhe i martuar, por ka qenë i vetëm në shtëpi./abcnews.al
