Një tjetër person dyshohet i zhdukur në Vlorë përveç Ksandro Imerajt. Policia ka gjetur një varkë peshkimi të braktisur brenda së cilës u gjet një shishe me mesazh. Në letër drejtuar nënës ishte shkruar, “Jam Landi, lekët gjenden te pllaka e fundit”. Policia po heton cili është indentiteti i këtij personi dhe ka nisur kërkimet.
Sipas të njëjtave burime po kërkohet edhe për 33 vjeçarin Ksandro Imeraj, i cili është denoncuar i zhdukur para katër ditëve nga familjarët e tij. Imeraj edhe herë të tjera ka shprehur kërkesën e tij për të ikur në Itali, pasi atje jeton një pjesë e familjes. Dyshimet janë të shumta për zhdukjen e tij deri edhe te mbytja në det, në rastin më të keq./abcnews.al
