Politologu Alban Daci thotë se Kamala Harris mund të fitojë me rezultat të ngushtë zgjedhjet në SHBA, kundër Donald Trump.
Në një intervistë për “Newsline”, Daci u shpreh se gjuha e përdorur nga Donald Trump, është populiste dhe e rrezikshme.
“Sondazhet, pavarësisht se në SHBA janë të sakta, nuk tregojnë të vërtetën si do jetë rezultati i zgjedhjeve. Këto zgjedhje, kanë risi të rëndësishme. Është pak më e vështirë situata e Kamalës, nuk ishte në fillim në garën me Trump, do ishte më në avantazh po të ishte dizenjuar si kandidate. Gjuha që përdor Trump është populiste, është e rrezikshme, demagogjike, dhe ndonjëherë mashtruese. Nuk pasqyron të vërtetat që i duhet SHBA. Trump ka bërë deklarata shumë të rënda. Para fushatës elektorale, bëhet populist, ekstremist. Në SHBA, 17% janë me arsim të lartë. Unë parashikoj një fitore të kandiates amerikane, do të jetë një fitore shumë e ngushtë. Trump ka treguar, që nuk bën në mënyrë demokratike dhe të paqtë kalimin e pushtetit. Deklaratat e Trump për mediat dhe rivalen e saj janë të papranueshme. Nëse Amerika heq dorë nga BE, atëherë kjo pjesë boshe e BE rrezikohet nga Rusia. Shoqëria dhe demokracia amerikane na ka dhënë leksione. Hapin e parë e bëri me bërjen president të zotit Obama. Hillary Clinton mori shumicën e votave në Amerikë, por nuk mori votat e kolegjit. Rrethanat janë të ngjashme. Mund të kemi presidente grua.
Sa i përket ndërhyrjeve ruse, ka pasur akuza edhe në 2016. Vendet rivale të SHBA, Rusia, kanë interesa të kenë orientim në drejtim të një kandidatit ë caktuar. Nuk mendoj se Putin është i lumtur edhe po të zgjidhet Donald Trump. Politika e jashtme amerikane nuk ndryshon, është hartuar nga ekspertë. Politika e jashtme, nuk mund të ndryshojë. Nëse do të ndryshonte, Amerika nuk do të ishte ajo që është në këto momente”, theksoi ai./abcnews.al
