Ambasada e SHBA në Tiranë ka reaguar pas miratimit të zgjatjes së afateve të organeve të vettingut në Kuvend në seancën parlamentare të ditës së sotme.
Në deklaratën e saj thuhej se ky është një hap i rëndësishëm për të gjithë shqiptarët drejt një sistemi drejtësie më të fortë dhe më të besueshme drejt integrimit europian.
Lexo edhe: Soreca: Ishte votë për të ardhmen e Shqipërisë në BE
Ajo thekson se SHBA do të mbështesë gjithmonë Shqipërinë në këtë rrugë të rëndësishme.
“Shtetet e Bashkuara përshëndesin miratimin e zgjatjes së mandatit të vettingut në Parlament. Ky është një hap i rëndësishëm përpara për të gjithë shqiptarët – drejt një sistemi drejtësie më të fortë, më të besueshëm dhe drejt integrimit evropian. SHBA do të mbështesë gjithmonë Shqipërinë në këtë rrugë të rëndësishme”, shkruan ambasada e SHBA.
The United States applauds the passage of the vetting mandate extension in Parliament. This is an important step forward for all Albanians – towards a stronger, more credible justice system and towards European integration. The ?? will always support ?? along this important path. pic.twitter.com/eCkCyJgNmA
— USEmbassyTirana (@USEmbassyTirana) February 10, 2022
Zgjatja e afateve të vettingut është kërkuar me ngulm nga faktori ndërkombëtar në vend. Ditëve të fundit ata kanë zhvilluar bisedime në selinë blu për t’i bindur këta të fundit që të votojnë pro.
Pas negociatave të arritura demokratët morën në këmbim votën pro të kampit rozë për ngritjen e komisioneve për Reformën Zgjedhore dhe atë Territoriale.
/abcnews.al
