Loading ...
Tre shqiptarë të Kosovës humbën jetën këtë të martë pas shembjes së skelave në një kantier ndërtimi në Vjenë, në lagjen 9 të kryeqytetit Austriak.
Sipas autoriteteve shkaqet e aksidentit të rëndë mbeten ende të paqarta ndërsa kanë nisur hetimet. Mediat Austriake shkruajnë se aksidenti ndodhi përgjatë punimeve për rinovimin e një papafingoje. Shembja e skelave ndodhi në një ndërtesë të vjetër të qytetit ku pjesa më e madhe e arkitekturës daton nga shekulli i 19-të.
Shërbimet e urgjencës kanë konfirmuar se një punonjës i 5të, një burrë 45-vjeçar ka mbetur i plagosur rëndë dhe është shtruar në spital.
Policia ka nisur hetimet dhe po merr në pyetje dëshmitarët, përfshirë edhe punëtorët e ndërtimit që i mbijetuan aksidentit.
