Shkencëtarët në SHBA kanë zhvilluar dy teste të reja kundër koronavirusit. Njëri është një test molekular PCR që mund të zbulojë shumë shpejt jo vetëm nëse dikush është infektuar me virusin, por edhe nga cili variant, për shembull nëse është Omicron apo Delta.
Testi i dytë është një test gjaku që mund të zbulojë nëse dikush është i infektuar me Covid-19 dhe në të njëjtën kohë të parashikojë se si do të reagojë sistemi i tyre imunitar ndaj koronavirusit. Shumica e testeve PCR zbulojnë praninë e koronavirusit, por nuk mund të dallojnë se cili variant është, kështu që ka nevojë patjetër për një analizë gjenetike.
Testi i parë – i cili mund të bëhet nga çdo laborator molekular në një spital ose qendër diagnostike përmban molekula fluoreshente që shkëlqejnë në ngjyra të ndryshme kur bien në kontakt me materialin gjenetik të virusit, raporton abcnews.al
Për shkak se çdo variant ka një “material” gjenetik unik, ai mund të identifikohet në varësi të ngjyrave në temperatura të ndryshme. Testi i gjakut mund të zbulojë disa substanca të ARN-së që tregojnë, bazuar në përvojën klinike të deritanishme, një probabilitet të lartë për një përgjigje të fortë imune dhe ndaj simptomave të rënda.
Sipas Dr McCaffrey, “testi na ndihmon të identifikojmë personat që kanë nevojë për trajtim më të mirë”.
Nëse studimet shtesë vërtetojnë se testet janë me të vërtetë efektive, studiuesit do të aplikojnë për miratim nga Administrata e Ushqimit dhe Barnave në SHBA (FDA).
/abcnews.al
