Zbardhen shifrat zyrtare të donacioneve për tërmetin, 853 mln euro janë kredi e butë

14:22 | 21/02/202014:220

Publikohen shifrat zyrtare të fondeve që shtete të ndryshme i ofruan Shqipërisë në konferencën e donatorëve në 17 shkurt.

Në total rezultoi se vendi ynë mblodhi 1.15 miliard euro nga të cilat 853 milion euro janë  kredi të buta me interesa të  ulta prej 2% që i jepen Shqipërisë  nga vende dhe institucione ndërkombëtare financiare ndërsa vetëm 295.7 milion euro janë grante. Po ashtu nga tabelat konstatohet se disa shtete kanë ofruar edhe 3.4 milion euro ndihmë në mallra.

Nëse i përllogarisim Shqipëria ka përfituar vetëm 26 % të shumës donacione ndërsa pjesa tjetër janë kredi të buta. Komisioni Europian rezulton të jetë donator më i madh i cili ka ofruar 115 mln euro grante. Ndërkohë sipas shteteve, vendin e parë për grante e mbajnë Emiratet e Bashkuara Arabe, të cilat kanë ofruar 70 milion euro.

Në vend të dytë vjen Turqia, e cila ka ofruar 44 milion euro grant dhe në vend të tretë është Gjermania e cila po ashtu ka ofruar 11 milion euro grante.

Grantet janë para që i jepen Shqipërisë për projekte dhe nuk kërkohen të kthehen mbrapsht. Ndërkohë, Franca ka ofruar 61 milion euro, nga të cilat vetëm 1 milion euro janë grant, kurse pjesa tjetër kredi. Ndërsa Italia ka ofruar 91 milion euro, nga të cilat 5 milion euro janë grante, kurse 86 milion janë kredi,Zvicra  9 mln euro , Suedia 5.7 mln euro, Katari 4.6 mln euro dhe Japonia 1.9 mln euro po në mallra.

Ndërkohë vendet e Ballkanit kanë qenë më modestë në dhënien e ndihmës financiare ndaj Shqipërisë. Greqia i ka ofruar Shqipërisë një grant prej 2.5 mln eurosh, Serbia 2 mln euro, Kroacia 1 mln euro, Mali i Zi 500 mijë euro, Kosova 200 mijë euro dhe Maqedonia 100 mijë euro.

 

Fondet e donatorëve  për tërmetin

Totali                  1.15 mld euro

Kredi të buta          853 mln euro

Grante                295.7 mln euro

Mallra                  3.4 mln euro

Grantet sipas shteteve

KE    115 mln euro

Emiratet e Bashkuara   70 mln euro

Turqia                                   44.7 mln euro

Gjermania                        11 mln euro

Zvicra                                   9 mln euro

Suedia                                  5.6 mln euro

Italia                                5 mln euro

Katari                                    4.6 mln euro

SHBA                                   4.3 mln euro

Holanda                                3 mln euro

Polonia                                 2.7 mln euro

Danimarka                           2 mln euro

Mbretëria e Bashkuar          1.2 mln euro

Franca                            1 mln euro, 60 mln kredi

 

Vendet e Ballkanit

Greqia                                   2.5 mln euro

Serbia                                   2 mln euro

Kroacia                                 1 mln euro

Mali i Zi                               500 mije euro

Kosova                                 200 mijë euro

Maqedonia                           100 mijë euro/abcnews.al


Për t’u bërë pjesë e grupit klikoni: Join Group dhe kërkesa do t’ju aprovohet.
KOMUNITETI ABC NEWS ALBANIA: https://www.facebook.com/groups/AbcNewsAlbaniaGroup

Të lidhura

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono