Ishte e para herë që e festoi kështu.
Lamine Yamal mbushi 17 vjeç pikërisht një ditë përpara finales së Kampionatit Evropian ndaj Anglisë, dhe nga shokët e tij te kombëtarja e Spanjës, kërkoi diçka të madhe.
Skuadra “iberike” e uroi lojtarin më të ri të saj me një tortë tipike prej sporti profesionist, me luleshtrydhe dhe pa sheqerna, dhe për zbulimin e madh në Gjermani ishte padyshim emocion i madh, në një ditë të shënuar.
“Ju falenderoj për këtë ditëlindje, që është e para për mua këtu. Jeni shumë të mirë. Si dhuratë për këtë ditë dua fitoren ndaj Anglisë”,- u shpreh Yamal.
Është pikërisht kohë ditëlindjesh te kombëtarja spanjolle, dhe pikërisht gjatë Evropianit.
Këtë të premte të 12 korrikut, festoi edhe “sozia” e Yamal, lojtari i krahut të majtë, Nico Williams, që mbushi 22 vjeç.
Në 21 qershor, kur “Furitë e Kuqe” ishin ende në fazë të grupeve, ishte trajneri Luis de la Fuente që shuajti qirinjtë për 63-vjetorin, ndërkaq, “Iberikët” po përgatiten për finalen e Euro 2024, dhe dëshirojnë titullin, por jo vetëm si dhuratë për Lamine Yamal. /i.m /abcnews.al
? ¡¡UN CUMPLE MUY FELIZ!!
Oye, crack, guarda un poco de tarta. ¡¡Vaya pintón ?!!
¡¡???????????, ?????? ?????!!!!#VamosEspaña | #EURO2024 pic.twitter.com/iX9LJh1sB4
— Selección Española Masculina de Fútbol (@SEFutbol) July 13, 2024
