Parlamenti zhvilloi sot seancën e parë parlamentare pas tërmetit të 26 nënorit.
Ministrat dhe deputetët nisën seancën duke mbajtur një minutë heshtje në nderim të 51 viktimave, ndërsa u miratuan 4 akte normative për ndihmë ndaj familjarëve të tyre.
Kështu nisi seance e parë parlamentare pas goditjes së vendit nga tërmeti që mori 51 jetë njerëzish.
Kuvendi në këtë seancë miratoi 4 akte normative që i shkojnë në ndihmë familjeve që u prekën më rëndë nga tërmeti. Për familjet e viktimave janë dhuruar 17 apartamente në banesat sociale në Tiranë. Të moshuarit që tërmeti ua mori familjarët e tjerë do të marrin pension prej 100 mijë lekësh në muaj, ndërsa ata me familjarë të tjerë por që kanë pasur dhe viktima 60 mijë lekë.
Edhe deputetët fjalët e tyre i përqendruan tek tërmeti që tronditi vendin më 26 nëntor.
Katër aktet normative
- 17 apartamente dhuratë familjeve të viktimave
- Përjashtim nga TVSH për mallrat e emergjencave
- Zbritje nga taksat për donatorët
- Pensione të posaçme për pensionistët e familjeve me viktima/abcnews.al
