Një dëshmitar ka dhënë detaje për ngjarjen ku ndërroi jetë 35-vjeçari Ervis Josifi në Korçë. Ai shprehet për abcnews.al se u këput vinçi dhe ka zënë poshtë 35-vjeçarin dhe ka qenë e pamundur të shpëtonte.
“U keput vinci dhe e zuri. Ka qene e pamundur të shpetojë jeta e atij personi pasi është shkëputur koka e vinçit. Bemë të pamundur për ta shpëtuar. Mund të ishte ngjarje më e rende pasi kanë qenë të gjithe punëtoret në katin e katër të godinës. Ata kane qene te pajisur me mjetet e sigurise (kokoret e kantierit)”, shprehet ai.
Ngjarja ka ndodhur mesditën e sotme në hyrje të Pazarit. Ndërkaq, policia në vendngjarje ka nisur hetimet për zbardhjen e plotë.
Njoftimi i policisë:
Më datë 03.01.2020, rreth orës 12:17, jemi njoftuar se në lagjen nr. 9, pranë stacionit të autobuzëve, në një objekt në ndërtim, dyshohet se është aksidentuar gjatë punës, shtetasi E.J., rreth 35 vjeç, banues në Korçë, i cili për pasojë ka gjetur vdekjen.
Grupi hetimor po punon për zbardhjen e rrethanave dhe shkaqeve të ngjarjes.
/abcnews.al
