Spektakël në Superiore, Partizani merr kreun që e ndan me pikë të barabarta me Vllazninë që kishte mposhtur skuadrën e Skënderbeut. “Demat” e kuq nuk e falën Kukësin, që tashmë duhet të mendojë për sezonin e ardhshëm pas humbjes së sotme me rezultatin 4-0.
Një duel i vendosur që në pjesën e parë, kur Jasir Asani fillimisht me një goditje dënimi dhe më pas Eral Çinari ndëshkuan portierin Tafas. Partizani ishte i vendosur të fitonte dhe në dy ndeshjet e fundit sulmi ka shkëlqyer.
Në listën e shënuesve e ka shkruar emrin edhe Stenio Junior sërish, i cili ka shfrytëzuar një gabim të Kurdic dhe ka realizuar për Partizanin. Deri në fund pati kohë edhe për një gol tjetër, këtë herë me autor Esat Malën, që plotësoi “pokerin”.
NDESHJA TJETËR – Në “Niko Dovana” Teuta është dorëzuar para Tiranës dhe ka zbritur në vendin e tretë në klasifikim. Bardheblutë triumfuan me rezultatin e pastër 2-0 dhe i afrohen Laçit të vendit të katërt me tre pikë, duke shpresuar për një vend në kupat e Europës.
Durrsakët nuk bënë një ndeshje të mirë, përballë një Tirane kërkuese dhe më konkrete. Ky duel u vendos nga dy ish-lojtarë të Teutës. Idriz Batha shtangu portierin Frashëri me një goditje dënimi, kurse më pas Hoxhallari i vuri vulën me një tjetër goditje fantastike fluturimthi. /abcnews.al
TEUTA-TIRANA 0-2
Shënues: Batha 79′, Hoxhallari 86′
TEUTA: Frashëri, Todorovski, Hoxha, Arapi, Jackson (Kouros 68′), Aleksi, Daja, Karabeci (Krasniqi 46′), E. Vila, Bregu, Gruda (Plaku 78′). Trajner: Edi Martini.
TIRANA: Bekaj, Vangjeli, Najdovski, Hoxhallari, Toli, Çelhaka, Batha, Ismajlgeci, Torassa, Cale, Seferi. Trajner: Orges Shehi
PARTIZANI-KUKËSI 4-0
Shënues: Asani 39′, Çinari 41′, Stenio Junior 67′, Mala 87′
PARTIZANI: Teqja, Mala, Bitri, Belica, Hakaj, Broja (Hasani 65′), Murataj, Bardhi, Asani (Cara 73′), Çinari, Stenio Junior (Kote 63′). Trajner: Ilir Daja.
KUKËSI: Tafas, Dragoshi, Bytyçi, Kurdic (Peposhi 71′), Kotobelli, Demiri, Taipi, Limaj, Ibraimi, Gashi, Eze. Trajner: Mirel Josa.
87′ Esat Mala ka realizuar edhe golin e katërt për Partizanit, me një gjuajtje në hyrje të zonës
86′ Hoxhallari realizon një gol mjaft të bukur me të majtën, portieri Frashëri i pafuqishëm ta ndalë
https://streamable.com/o9hixq
79′ Idriz batha befasoi portierin Stivi frashëri me një goditje dënimi dhe i dha epërsinë skuadrës së Tiranës
https://streamable.com/he1igl
67′ Stenio Junior ka realizuar edhe golin e tretë në portën e skuadrës së Kukësit
https://streamable.com/yj0ys1
41′ Erald Çinari ndëshkoi për të dytën herë portierin Tafas, pasi doli i vetëm me të brenda zonës
https://streamable.com/ute5ng
39′ Jasir Asani ka ndëshkuar skuadrën e Kukësit me një gol të realizuar me goditje dënimi
