PSG siguroi fitoren e radhës në Ligue 1. Ekipi i Pochettinos mposhti 4-0 në shtëpi skuadrën e Montpellier, duke marrë fitoren e tretë radhazi në kampionat.
There goes the whistle! A double from @KMbappe, plus goals by @neymarjr and @MauroIcardi to lift @PSG_English!#PSGMHSC pic.twitter.com/7WumT7Ow1e
— Ligue1 English (@Ligue1_ENG) January 22, 2021
Sfida nisi keq për miqtë, të cilët mbeten me dhjetë lojtarë në minutën e 19-të. Portieri Jonas Omlin frenoi në mënyrë të parregullt Kylian Mbappe dhe arbitri kryesor i tregoi të kuqin.
Gjithçka u bë më e lehtë për kampionët në fuqi, të cilët zhbllokuan takimin pas gjysmë ore lojë. Mbappe dërgoi topin në rrjetë pas një asisti të marrë nga Di Maria, teksa tre golat e tjerë erdhën në pjesën e dytë.
Tre gola brenda tre minutave realizuan Neymar, Maurco Icardi dhe Mbappe, i cili e mbylli me dopietë sfidën e sotme. Vendi i parë dhe 45 pikë për PSG, tre më shumë se Lille që luan të dielën në fushën e Rennes. /abcnews.al
