Fitojnë PSG dhe Leicester City. Kampionët e Francës ia dolën të siguronin tre pikë në transfertën ndaj Angers. Ekipit të Mauricio Pochettinos i mjaftoi goli i Lawyin Kurzawa për të thyer kundërshtarin dhe për t’u ngjitur përkohësisht në vend të parë.
? Final whistle! @layvinkurzawa‘s screamer did the job for @PSG_English away!#SCOPSG 0-1 pic.twitter.com/DEkwHKsa40
— Ligue1 English (@Ligue1_ENG) January 16, 2021
Vendasit rezistuan mirë për 70 minuta, por goli i mbrojtësit të majtë i la pa pikë. Një tjetër sukses i rëndësishëm për PSG-në, që tre ditë më parë fitoi Superkupën e Francës pas suksesit 2-1 ndaj Marseille.
Feston edhe Leicester City në Premier League. “Dhelprat” mposhtën 2-0 në shtëpi skuadrën e Southampton. Goli i parë u realizua nga James Maddison në minutën e 37-të. Numri 10 i vendasve mori një top nga Tielemans dhe dërgoi topin në rrjetë pas një “predhe” nga brenda zonës.
The Foxes move into second place ?#LEISOU pic.twitter.com/s8XpabYyTU
— Premier League (@premierleague) January 16, 2021
Në minutat shtesë të takimit erdhi edhe goli i dytë për djemtë e Brendan Rodgers. Harvey Barnes finalizoi një kundërsulm të ekipit të tij (90+5′) dhe vulosi fitoren e Leicester City.
Tre pikë fantastike ndaj një kundërshtari të fortë, teksa ky ishte rezultati i pestë radhazi pozitiv në kampionat për Jamie Vardy me shokë. Leicester është ngjitur përkohësisht në vend të dytë në Premier, duke parakaluar kampionët e Liverpool. /abcnews.al
