Një aksident i rëndë ka ndodhur në qytetin e Vlorës, pak minuta më parë. Dy automjete një “Benz” dhe një “Ford” janë përplasur me njëra-tjetrën dhe për pasojë janë lënduar dy persona, drejtuesi i “Benzit” dhe pasagjerja që ndodhej në të.
Një prej automjeteve pasi është përplasur ka përfunduar në ambientet e një “bar-kafeje” të qytetit.
Të lënduarit janë dërguar në spital kanë marrë mjekimin e nevojshëm dhe kanë dalë.
Dyshohet se shkak i aksidentit ka qenë humbja e kontrollit të një prej drejtuesve të mjetit.
Pas kryerjes së testit të alkoolit, drejtuesi i automjetit tip “Benz” rezultoi, 0. 254 mg/l, ndërsa ai i “Ford”, 0. 000 mg/l.
Njoftimi i policisë:
Vlorë/Informacion paraprak
Sot, rreth orës 17:30, në lagjen “28 Nëntori”, pranë mobileri “Aliko”, një automjet tip “Benz” me drejtues shtetasin A. A., 29 vjeç, është përplasur me një automjet tip “Ford” me drejtues shtetasin B. S., 28 vjeç, automjeti i këtij të fundit, si pasojë e përplasjes ka dëmtuar fasadën e jashtme të një lokali. Gjithashtu si pasoje e aksidentit, kanë ngelur të dëmtuar lehtë drejtuesi i automjetit tip “Benz” dhe pasagjerja që ndodhej në të, të cilët pas marrjes së mjekimit, dolën nga spitali.
Drejtuesve të automjeteve, të dy të pajisur me leje drejtimi, ju krye testi i alkoolit i cili rezultoi 0. 254 mg/l për shtetasin A. A dhe 0. 000 mg/l për shtetasin B. S.
Në vendngjarje ndodhet grupi hetimor, i cili po kryen veprimet e mëtejshme në lidhje me sqarimin e rrethanave të aksidentit.r.t/abcnews.al
