Chelsea po luan bukur në fushën e Manchester City, gjeti golin e avantazhit me anë të Kante, por kaq nuk mjafton përballë një prej ofensivave më të frikshme në planet. Vendasit shfrytëzuan një gabim të ekipit të Lampard në mesfushë dhe u nisën furishëm drejt portës kundërshtare në minutën e 29-të.
Kevin De Bruyne shmangu bukur një mbrojtës dhe goditi drejt portës. Belgu kishte edhe fat, pasi topi u devijua nga një mbrojtës dhe përfundoi në rrjetë.
Ekipi i Guardiolës rriti intensitetin e sulmeve dhe shënoi sërish. Riyad Mahrez realizoi një gol shumë të bukur në minutën e 37-të. Veprim fantastik i algjerianit dhe tani kryeson Manchester City me rezultatin 2-1. /abcnews.al
