Politika nuk i braktis dot stadiumet dhe sportin. Fundja as klubet e futbollit nuk po i dorëzon. Shumica e tyre financohen nga bashkitë dhe normalisht edhe tribunat VIP shpesh herë pushtohen nga politikanët. Ka ndodhur shpesh që edhe nga shkallët të ketë parulla dhe thirrje politike.
Shqipëri-Francë është ndeshja më e fundit ku u dëgjuan thirrjet “Rama ik”. Tashmë ishte radha që e njëjtë gjë të ndodhte edhe në një ndeshje të Kategorisë Superiore. Në Korçë, gjatë takimit Skënderbeu-Tirana, janë dëgjuar thirrjet “Rama ik”.
Në minutën e 54-t, dëgjohen qartazi thirrjet e tifozëve, të cilët me shumë mundësi janë edhe militantë të Partisë Demokratike. E gjitha kjo është e “dokumentuar”, pasi është dëgjuar edhe gjatë transmetimit direkt në Supersport. / abcnews.al
