Rreth orës 9 të mëngjesit të së shtunës, 12 emigrantët që u vendosën të mërkurën në kampin e Gjadrit në Lezhë, u nisën për në Itali. 12 emigrantët nga Egjipti dhe Bangladeshi të kapur më 13 tetor në brigjet italiane u moren nga një anije e rojes bregdetare të shtetit Italian, nga Kalata e portit të Shëngjinit.
Ata u sollën në Gjadër më 16 tetor por pas vendimit të Gjykatës së Romës, me procedura të përshpejtuara u rikthyen në Itali.
Vendimi për kthimin u mor të premten nga Gjykata e Romes pasi ajo shfuqizoi veprimet për mbajtjen e 12 emigrantëve në qendrën e pritjes të azil kërkuesve në Gjadër të Lezhës. Sipas këtij vendimi, duke iu referuar edhe verdiktit të Gjykatës Europiane të Drejtësisë, dy vendet nga vijnë këta emigrantë, Bangladeshi dhe Egjipti, nuk janë plotësisht të sigurta,
Por ky vendim duket se nuk e dëmton, marrëveshjen e arritur mes vendit tonë dhe Italisë, për azilkërkuesit, ku përcaktohet se në Shqipëri mund të dërgohen emigrantët nga një listë prej 22 shtetesh që shteti italian i ka cilësuar si shtete të sigurta.
Edhe pse kampi I Gjadrit mbeti pa azilkërkues, aty vijojnë të jenë të vendosur autoritetet Italiane, si policia, administrata apo sektorë të tjerë ligjzbatues, në pritje të grupeve të tjera të emigrantëve që shpëtohen në Mesdhe dhe kërkojnë azil në Itali. Sipas paralajmërimeve nga shteti fqinj, grupi I dytë I azilkërkuesve që pritet të vendosën ne Gjadër, pritet të mbërrij javën e ardhshme.
