emigrante
eri Ida11:58 | 08/03/2020
Për momentin nuk regjistrohen shkelje të armëpushimit në rajonin veriperëndimor sirian të Idlib pas marrëveshjes mes Rusisë dhe Turqisë. Lajmi është konfirmuar nga ministri turk i mbrojtjes.
Por kaskat e bardha flasin për një katastrofë humanitare të frikshme, duke theksuar se nik ka as ushqim dhe as ujë dhe që njerëzit djegin rrobat e trupit për t’u ngrohur.
Pas një telefonate të gjatë me kancelaren gjermane Merkel ku kërkoi një rishikim të marrëveshjes për emigrantët me Europën të 2016-ës, presidenti turk Erdoan të hënën do të jetë në Bruksel. Por detajet e axhendës së tij nuk janë bërë publike. Komisioni europian është i shqetësuar për cështjen e emgrantëve pasi Ankaraja vemndosi të lërë hapur kufijtë me Europën për të lejuar kalimin e mijëra refugjatëve në arrati nga zonat e luftës.
Një veprim që shumë e shohin si një kërcënim nga ana e qeverisë turke. Sipas ministrisë së brendhsme turke janë më shumë se 142 mijë emigrantët që janë drejtuar drejt Greqisë nga Turqia. Kjo e fundit këmbëngul se ka pritur në territorin e saj 4 mlion emograntë, 3.6 milion prej të cilëve sirianë që largohen nga vendi si shkak i sulmeve të qeverisë së Asad. Ndërkohë presidenti turk ka urdhëruar rojet bregdetare që të ndalojnë të gjithë emigrantët që përpiqen të vijnë nga deti Egje me synimin për të shkuar në Europë nëpërmjet ishujve grekë.
Kryeministri i Greqisë Micotaqis në një intervistë për CNN u shprej se marrëveshja mes Bashkimit Europian dhe Turqisë për kufizimin e emigracionit, tashmë ka vdekur. Kreu i ekzekutivit grek akuzoi Ankaranë se po ndihmon kalimin e emigrantëve në kufi./abcnews.al
Autor E10:09 | 07/03/2020
Tensioni është i lartë mes Greqisë dhe Turqisë në kufirin tokësor dhe atë detar.
Ndërkohë që mijëra emigrantë nga vendet e lindjes janë tani në kufi me Greqinë duke tentuar të futen për të shkuar në vendet e BE, “lufta” vijon në det.
Sëfundmi kanë dalë pamjet e një përplasjeje të mirëfilltë mes rojeve detare greke dhe turke. Një skaf i autoriteteve turke shkon me shpejtësi tek ai i Greqisë duke i kërkuar që të largohet nga zona, transmeton abcnews.al.
Mjeti lundrues i rojeve detare turke e ndjek nga pas atë greke dhe për pak ato nuk përplasen me njëra-tjetrën.
Greqia akuzon Turqinë që po kërkon ta destabilizojë përmes dërgimit të organizuar të emigrantëve në kufi, ndërsa Turqia akuzon Greqinë se po tenton të mbysë gomonet e emigranëtëve, ndërsa sëfundmi kanë dalë edhe foto të dhunës së policisë greke ndaj këtyre të fundit.
Pak ditë më parë, Turqia hapi kufirin duke mos penguar emigrantët që duan të shkojnë në BE. Ky veprim u shoqërua me alarm në Greqi.
Përplasja është e madhe edhe në kufirin tokës në zonën e Evrosit ku mijëra policë dhe ushtarë greke përballen me emigrantët ku nuk mungojnë rastet e dhunës dhe keqtrajtimeve.
Turqia dërgoië 1 000 forca speciale të ushtrisë dy ditë më parë, veprim të cilit iu përgjigj me të njëjtën monedhë edhe Greqia. /abcnews.al
Kufiri greko-turk, Presidenti i BE: Të respektohen të drejtat ndërkombëtare dhe të drejtat e njeriut
in a16:03 | 03/03/2020
I pranishëm në konferencën që po zhvillohet në kufirin greko-turk për situatën e emigrantëve pasi Turqia hapi kufijtë, presidenti i BE, Charles Michel u shpreh duhet të respektohen të drejtat e njeriut.
Gjatë fjalës së tij, Michel deklaroi se kufinjtë grekë janë kufinj të Evropës.
Ai tha gjithashtu se është e rëndësishme që evropianët të mbrojnë kufijtë tanë dhe të tregojnë respekt për të drejtën ndërkombëtare dhe të drejtat e njeriut.
”Kufijtë Grekë janë kufijtë tanë evropianë. Prania jonë dërgon një mesazh të fortë. Ne i besojmë qeverisë Greke dhe kryeministrit të Greqisë. Edhe nëse detyra është shumë e vështirë, është e rëndësishme që evropianët të mbrojnë kufijtë tanë dhe të tregojnë respekt për të drejtën ndërkombëtare dhe të drejtat e njeriut”, u shpre Presidenti i BE.
Autor E09:18 | 02/03/2020
Hapja e kufijve nga Turqia për emigrantët sirianë që duan të kalojnë në BE si edhe problemet me administrimin e burimeve natyrore në Egjeun Lindor kanë nxehur sërish situatën mes Greqisë dhe Turqisë.
Nisur nga kjo, ushtria greke ështe duke zhvilluar një stërvitje të gjerë në ishullin Kastelirozu, ku vetëm pak kilometra përballë është toka turke, shkruan abcnews.al.
Mediat greke bëjnë me dije se stërvitja po bëhet me municion luftarak dhe kjo është përgjigja më e mirë që mund t’i jepet Turqisë në këto momente.
Greqia dhe Turqia janë marrëdhënie të tensionuara gjatë viteve të fundit për shkak të disa ishujve të kontestuar fillimisht, më pas për menaxhimin e burimeve nëntokësore në Egjeun Lindor dhe sëfundmi për çështjen e emigrantëve.
Autoritetet turke hapen për 72 orë kufijtë për emigrantët sirianë duke i nxitur që të lëvizin për në BE, por Greqia i ka mbyllur dyert duke e sjellë situatën në prag të një krize humanitare. /abcnews.al
in a17:29 | 01/03/2020
Kryeministri i Greqisë, Kyriakos Mitsotakis ka thirrur një mbledhje të jashtëzakonshme të Këshillit të Sigurisë Kombëtare pasditen e sotme, lidhur me krizën me refugjatët nga Lindja e Mesme pasi Presidenti turk Erdogan urdhëroi që të largoheshin ku të dëshironin.
Këshilli Qeveritar Grek për Sigurinë e Shtetit është mbledhur nën drejtimin e Kiriakos Mitsotakis dhe priten vendime parandaluese pasi mijëra refugjatë tashmë i janë drejtuar Greqisë.
Për personat që vijnë tashmë nga kufiri me Turqinë, autoritetet greke dërgojnë një mesazh paralajmërues në celularët e tyre ku shkruhet “Niveli i sigurisë në kufirin grek është rritur në maksimum. Mos kaloni kufirin grek në mënyrë ilegale”.
BE gjithashtu i është përgjigjur kërkesës së qeverisë greke me pajisje ekstra dhe forca të shumta Frontex.
Policia dhe ushtria greke është angazhuar maksimalisht në kufijtë detarë dhe tokësorë me Turqinë për të moslejuar klandestinët të hyjnë në territorin grek duke përdorur arrestimet si dhe gazin lotsjellës.
eri Ida14:22 | 01/03/2020
Ministria e Brendshme e Turqisë ka bërë të ditur se dhjetëra mijëra migrantë kanë kaluar kufirin turk drejt vendeve të Bashkimit Evropian, që kur Ankaraja sinjalizoi se nuk do të ndalojë migrantët që të largohen nga territori i saj për në vendet evropiane.
Agjencia për kufi e Bashkimit Evropian, Frontex, ka njoftuar se është në gatishmëri për t’i dërguar ndihmë Greqisë. Paralajmërimi i Turqisë u pasua nga një njoftim i Organizatës për Migrantë të Kombeve të Bashkuara, që tha se “të paktën 13,000 persona” ishin mbledhur në kufirin ndërmjet Turqisë dhe shtetit anëtar të BE-së, Greqisë. Ministri i Brendshëm turk, Suleyman Soylu përmes një postimi në Twitter tha se mbi 76 mijë migrantë ishin larguar nga Turqia përmes provincës Edirne drejt kufijve me Greqinë dhe Bullgarinë.
As Sofja zyrtare dhe as Athina nuk kanë konfirmuar arritjen e këtyre migrantëve në territoret e tyre. Autoritetet greke, që janë zotuar se nuk do të lejojnë që migrantët të hyjnë në territorin grek, kanë njoftuar se kanë ndaluar 10,000 kalime ilegale të kufirit më 29 shkurt, në ditën kur presidenti turk, Recep Tayyip Erdogan njoftoi se “do të hap dyert” për migrantët, që të kalojnë në vendet evropiane. Autoritetet greke kanë përdorur gaz lotsjellës dhe bomba tymi për të shpërndarë migrantët, që ishin në pikëkalimin kufitar në Kastanies. Në mëngjesin e 1 marsit, Policia e Greqisë tha se “mbi 500 migrantë” kanë arritur në territorin e tyre. /abcnews.al
eri Ida08:48 | 23/02/2020
Më 24 shkurt administrata Trump do të nisë zbatimin e rregullave të reja për emigrantët që janë përfitues të programeve për ndihmë shtetërore në Shtetete e Bashkuara. Rregulli i ri do të ndikojë në procesin e marrjes së vizës emigruese ose leje të përhershme qëndrimi në Shtetet e Bashkuara nga qytetarë të vendeve të huaja me të ardhura të vogla. Muajin që shkoi ky rregull mori dritën e gjelbër nga Gjykata e Lartë amerikane.
Rregullat e reja u japin autoritet zyrtarëve të emigracionit të refuzojnë aplikimet për ndihma në para ose forma tjera të asistencës nga Shtetet e Bashkuara.
“Ata që kanë më shumë pasuri janë më pak në rrezik, ndërsa ata që janë më pak të shkolluar, që kanë familje të mëdha ose të hyra të vogla janë në rrezik të refuzohen”, tha Marg Greenberg nga Instituti për Politike të Emigracionit.
Analisti Greenberg thotë se aplikantët nga shtete të varfa, me popullësi jo të bardhë janë në rrezik të refuzimit të vizave ose lejes së përhershme të qëndrimit, e njohur si karta e gjelbër.
“Kjo do të ketë ndikim më të madh negativ tek përfituesit e kartës së gjelbër nga Meksika, Amerika qëndrore ose Karaibet, krahasuar me Evropën, Australinë ose Zelandën e Re”, tha ai.
Mbështetësit e rregullit nuk e shohin atë si paragjykues.
“Është rregull neutral që aplikohet tek njerëzit e çdo race, është e njëjta për çdo vend. Nëse jeni një person i pasur i një race në një vendi, ju do të jeni më mirë krahasuar me një person të një race tjetër dhe vendi tjetër”, tha zoti Howell nga Fondacioni Heritage.
Më pak viza dhe leje të përhershme qëndrimi pritet të miratohen me rregullin e ri.
Sipas Departamentit të Sigurisë Kombëtare, aplikuesve u rriten mundësite për vizë emigruese pasi shfaqin dëshmi të pasurive financiare, të hyrave, dëshmi të sigurimeve private shëndetësore, oferta punësimi në ShBA apo zotimin për mbështetje financiare nga dikush jashtë Shteteve të Bashkuara.
Disa këtë e shohin si mundësi për të ruajtur fondet publike dhe përmirësimin e tregut të punës për amerikanët.
Korporata të mëdha amerikane cilësuan rregullin si pengesë për punëdhënësit amerikanë që duan të angazhojnë talentë të huaj.
Rregulli po hyn në fuqi pasi drejtori i zyrës së menaxhmentit dhe buxhetit në administratën Trump, Mick Mulvaney, u citua të thotë se ShBA ka nevojë për emigrantë të ligjshëm.
Të hënën fillon zbatimi i rregullit në të gjitha shtetet amerikane, përveç Ilinoit, që është në pritje të vendimit nga gjykata federale./VOA
in a14:20 | 07/02/2020
Reth 200 emigrantë të cilët kishin bllokuar kufirin mes Serbisë dhe Hungarisë mbrëmjen e së enjtes, janë shpërndarë në qendra pritjeje në Serbi. Ata kërkonin të vazhdonin rrugën drejt vendeve europiane duke pretenduar se po i largohen luftës dhe jo varfërisë.
Janë marrë dhe janë sistemuar në qendra të ndryshme pritjeje në Serbi rreth 200 emigrantë, mes të cilëve gra dhe fëmijë, që ishin vendosur në kufi me Hungarinë duke kërkuar që të mund të hynin në Bashkimin Europian.
Reth 200 emigrantë të cilët kishin bllokuar kufirin mes Serbisë dhe Hungarisë mbrëmjen e së enjtes, janë shpërndarë në qendra pritjeje në Serbi. Ata kërkonin të vazhdonin rrugën drejt vendeve europiane duke pretenduar se po i largohen luftës dhe jo varfërisë.
Duke sfiduar të ftohtin dhe erën ata ishin vendosur në kufirin e Kelebija, duke bllokuar dhe trafikun. Të mbështjellë me batanije shumë prej tyre u shtrinë dhe u ulën në tokë pranë sendeve të tyre personale. Me dhjetëra fëmijë kërkonin në kor që të hapej kufiri. Ndërsa në disa parulla shkruhej: “Jemi refugjatë, jo kriminelë”, Po largohemi nga lufta jo nga varfëria”.
Pika kufitare u mbyll për trafikun. Televizioni shtetëror serb raportoi se ata u transferuan në qendrat e pritjes në Suboticë, Bosilegrad dhe Preshevë, më pas trafiku ka rinisur normalisht. Emigrantët nuk kanë shfaqur rezistencë dhe çdo gjë është zgjidhur në mënyrë paqësore.
Janë me mijëra emigrantët që largohen nga lufta dhe varfëria në vendet e tyre, dhe mbesin të bllokuar në Ballkan, në pritje për të mbërritur në vende më të zhvilluara në Europë.
Mbrëmjen e së enjtes, për shkak të frikës së incidenteve të mundshme dhe për tëmbajtur situatën nën kontroll, ministri serb i Mbrojtjes, Aleksandër Vulin shkoi personalisht në vendngjarje, ndërsa në territorin hungarez ishte përforcuar prania e policisë dhe rojeve të kufirit.
Shpesh emigrantët mbështeten tek trafikantët e qënieve njerëzore për të kaluar kufirin drejt Hungarisë apo ndonjë shteti tjetër anëtar i Bashkimit Europian si Kroacia.
Pjesa më e madhe e emigrantëve vijnë nga vende si Siria, Iraku apo Afganistani, por bëhet fjalë për një shifër shumë më të vogël se ajo në periudhën 2015 – 2016 kur rreth një milion persona mbërritën në Europë.
Në fund të muajit janar të këtij viti, një roje kufitare qëlloi tre herë në ajër për të trembur dhjetëra emigrantë që po përpiqeshintë kaloni kufirin.
Vitet e fundit qeveria hungareze ka miratuar një sërë masash më të ashpra për sa i përket azilit apo emigracionit, duke e bërë të pamundur për azilkërkuesit që prezantojnë kërkesën në kufirin serb për të marrë mbrojtje në Hungari.
Në vitin 2018, Hungaria miratoi 367 kërkesa për azil apo për mbrojtje ndërkombëtare. Kryeministri i vendit përqendroi fushatën e tij të fundit elektorale eksluzivisht në temën e emigracionit dhe në 2018-ën u rizgjodh për mandatin e tij të tretë rradhazi.
Beogradi zyrtar në një reagim për situatën u shpreh se Serbia do të mbrojë të drejtat e emigrantëve por në të njëjtën kohë do të garantojë qëndrueshmërinë e brendshme të vendit. Sipas autoriteteve serbe qindra refugjatët e vendosur në kufi me Hungarinë manipulohen nga organizata të huaja jo qeveritare, por për këtë nuk janë dhënë prova.
Ministri serb i Mbrojtjes, Aleksandër Vulin e cilësoi të turpshme fushatën e dezinformimit të disa grupeve për hapjen e kufirit hungarez, me lajme dhe filmime false të cilat inkurajojnë emigrantët që t’i drejtohen kufirit. Vulin shtoi se nuk do i lejojë emigrantët që të prishin marrëdhëniet e mira të fqinjësisë me Hungarinë.
Marshimi i emigrantëve ishte organizuar prej disa javësh dhe ishte planifikuar për të premten, por u bë një ditë më parë sapo autoritetet serbe u vunë në dijeni të planit./abcnews.al
So Nila14:45 | 05/02/2020
Protestat e emigrantëve në ishujt grekë për kushtet e jetesës kanë shkaktuar zemërim tek banorët. Këta të fundit kanë kërkuar ndërhyrjen e menjëhershme të qeverisë për të transferuar emigrantët
Nga njëra anë kushtet e këqija të jetesës së refugjatëve, dhe nga ana tjetër zemërimi i komunitetit vendor. Autoritetet rajoanle kërkojnë ndërhyrjen e menjëhershme të qeverisë qendrore
Kostas Muxuris, guvernator rajonal i Egjeut Verior, ka bërë një listë të gjërave që duhen ndryshuar. Sipas tij në rradhë të parë emigrantët duhen transferuar nga ishujt. Më pas të gjitha organizatat jo fitimprurëse duhet të kontrollohen.
Dhe së fundmi spitali i Mitilene ka nevojë për më shumë mjekë. Ai thekson se vetëm një vit më parë kanë qenë rreth 13 mijë emigrantët të cilët kanë kërkuar ndihmë mjekësore dhe për këtë arsye spitalet duhet të kenë më shumë ekip mjekësor.
Ai kërkoi që qeveria të shpallë menjëherë gjendjen e jashtëzakonshme në ishuj. Muxuris ka frikë se tensionet sociale mund të degjenerojnë. Nga ana tjetër Athina ende nuk reagon ndaj situatës.
Pas trazirave të së hënës, ku policia u detyrua të përdorë gaz lotsjellës për të shpërndarë protestuesit, personat e arrestuar janë 25. Kampi i Moiras mund të mbajë rreth 3 mijë emigrantë, por për momentin më shumë se 20 mijë persona përpiqen të mbijetojnë në ishullin kufitar. /abcnews.al
So Nila19:18 | 30/01/2020
Rritja e fluksit të emigrantëve të paligjshëm ka bërë që greqia së fundmi të marrë masa shtesë në kuadër të parandalimit të lëvizjes së tyre.
Mediat raportojnë se Greqia po planifikon të vendosë një barrierë lundruese në Deti Egje, për të parandaluar mbërritjen e emigrantëve dhe refugjatëve nga Turqia.
Gjatë viteve të fundit Greqia ka shërbyer si një portë hyrëse për në Bashkimin Evropian, për më shumë se një milionë refugjatë sirianë dhe migrantë të tjerë. Derisa një marrëveshje me Turqinë ka ulur ndjeshëm numrin e refugjatëve, që nga viti 2016, ishujt grekë ende po përballen me kampe të mbipopulluara.
Ndërkohë mediat vendase bëjnë me dije se autoritetet greke po planifikojnë që ta blejnë pengesën me gjatësi 2.7 kilometra e cila do të vendoset në det – jashtë ishullit të Lesbos – ku gjendet kampi i mbipopulluar Moria.
Qeveria tashmë ka përgatitur dokumentin, përmes të cilit fton kompanitë ofertuese të bëjnë propozimet për shitjen e pengesës./abcnews.al
ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore.
NUIS/NIPT K01711004FKontaktTelefono
