VIDEO | Fitore me zemër e Lyon, Juve duhet të zgjidhë gjithçka në Torino

22:59 | 26/02/202022:590

Një gol i Lucas Tousart pas gjysmë ore lojë vendosi ndeshjen mes Lyon dhe Juventusit. Francezët ia dolën të fitojnë ndeshjen e parë në shtëpi dhe kualifikimi i bardhezinjve të Sarrit vështirësohet pas kësaj humbje.

Skuadra e Rudi Garcia dominoi pjesën e parë përballë një Juventusi kaotik dhe ia doli të gjente golin e avantazhit. Aouar lëvizi bukur në krahun e majtë dhe dhuroi një asist për Tousart, i cili mposhti polakun Szczesny.

Kampionët e Italisë reaguan në pjesën e dytë, por Alex Sandro, Dybala, Higuain dhe Ronaldo nuk ia dolën të gjenin golin e barazimit. “Zonja e Vjetër” pretendoi në dy raste për penallti, por spanjolli Manzano vazhdoi lojën.

Ndeshja u mbyll 1-0 për vendasit, të cilët arrijnë një fitore të madhe kundër një prej pretendentëve kryesorë për triumfin final në Champions League. Sfida e kthimit zhvillohet në Torino me datë 17 mars dhe djemtë e Sarrit do të japin gjithçka për të përmbysur humbjen e sotme dhe për t’u kualifikuar në çerekfinale. /abcnews.al

Lyon-Juventus 1-0
(Tousart 31′)

Lini koment

E-maili nuk do te publikohet. Duhen plotesuar *


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono