Nëntë pikë diferencën me Teutën ndjekëse, kur janë luajtur 15 ndeshje në kampionat. Entuziazmi te Vllaznia është i madh dhe futbollistët nga java në javë besojnë edhe më shumë te titulli kampion.
Eni Imami, mbrojtësi i kuqebluve, pas triumfit në Ballsh e lëshon një sinjal të qartë për rivalët. “E kemi sjellë deri në Fushë-Krujë titullin, avash avash po vjen në shtëpi”, shkruan Imami, i cili normalisht e di shumë mirë se ka ende shumë rrugë për t’u bërë.
Fitorja në Ballsh është festuar gjatë, fillimisht nga lojtarët dhe drejtuesit në mesin e fushës. Brohoritje të shumta, që nuk u ndalën as jashtë stadiumit. Nuk mungonin as disa tifozë, që fituan me beniaminët e tyre, kurse në Shkodër me siguri lokalet kanë qenë plot dhe njerëzit i janë gëzuar triumfit të radhës… /abcnews.al
