10 gola kanë prodhuar dy takimet e fundit të javës së pestë në Superiore. Vllaznia-Kukësi dhuroi emocione të shumta në “Loro Boriçi”, por në fund festuan miqtë verilindore më rezultatin 2-4. Humbja e parë për ekipin shkodran dhe tre pikë fantastike për Kukësin.
Dygolësh i Agim Ibraimit për Kukësin, teksa shënuan edhe afrikani Eze dhe Vesel Limaj. Ismael Dunga kaloi Vllazninë në avantazh në minutën e katërt, teksa goli tjetër për shkodranët u realizua nga Ardit Hoxhaj.
Triumf me “poker” për Partizanin. Skuadra e Ilir Dajës fitoi 4-0 përballë Skënderbeut. Bardhi, Mala, Lucas Cardozo dhe Solomon autorët e golave për ekipin kryeqytetas, që është ngjitur në vend të parë me 10 pikë, po aq sa ka edhe Vllaznia.
KATEGORIA SUPERIORE – JAVA 5
E diel, më 29 nëntor, ora 16:45
Vllaznia-Kukësi 2-4
Shënues: Dunga 4′, Hoxhaj 85′ / Ibraimi 14′, (pen) 22′, Eze 75′, Limaj 90+5′
90+5′ Kundërsulm i ekipit mik dhe gol i Vesel Limajt. Festë te Kukësi, që i shkakton disfatën e parë Vllaznisë dhe largohet e tre pikë nga qyteti i Shkodrës.
85′ Rihapet takimi. Kros nga e majta, kërcim i bukur me kokë i Ardit Hoxhajt dhe topi në rrjetë. Gol shprese për Vllazninë, që është hedhur në sulm në kërkim të golit të barazimit.
https://streamable.com/z0bcbd
75′ Goditje këndi për Kukësin. Dalje e pasigurtë e portierit Zogovic dhe gol me kokë i nigerianit Eze, i cili vulos fitoren e Kukësit.
22′ Verlindorët përmbysin gjithçka. Penallti për Kukësin, Agim Ibraimi nuk gabon nga pika e bardhë dhe nënkmapionët në avantazh.
13′ Gol i Kukësit. Lëvizje e bukur e Eze, sulmuesi driblon një mbrojtës shkodran dhe godet drejt portës së Vllaznisë. Zogovic grushton topin, por Agim Ibraimi përfiton dhe rikthen baraspeshën në “Loro Boriçi”.
4′ Ismael Dunga kalon Vllazninë në avantazh. Krosim i Krujës nga e djathta, përgjumje e mbrojtjes mike dhe aty përfiton Ismael Dunga, i cili gjen golin e tretë sezonal në kampionat.
Partizani-Skënderbeu 4-0
Shënues: Bardhi 7′, Mala 21′, Cardozo 45+1′, Solomon 70′
70′ Asist e Hakajt nga mbrojtja, lëvizje e bukur e Solomon dhe goditje e saktë. Topi në rrjetë dhe goli i katërt për Partizanin e Dajës.
45+1′ Partizani nuk ndalet dhe gjen një tjetër gol. Finalizim i bukur i Lucas Cardozo, i cili gjen rrjetën pas një goditje të bukur nga jashtë zone.
21′ Eurogol i Esat Malës. Goditje dënimi për Partizanin dhe ekzekutim perfekt i mesfushorit 22-vjeçar, i cili dërgon topin në trekëndëshin e portës korçare.
7′ Goditje dënimi për Partizanin, kros nga e majta, Jurgen Bardhi e stopon bukur topin dhe e godet atë menjëherë duke e dërguar në rrjetë. “Demat” e Ilir Dajës në avantazh. /abcnews.al
