Deputeti i acaruar, Vasilika Hysi i kthehet Kujtim Gjuzit: Po bëni më keq se Ilir Meta sot

schedule12:09 - 16 Mars, 2021

schedule 12:09 - 16 Mars, 2021

Kreu i grupit parlamentar Taulant Balla këshilloi deputetët e opozitës në Kuvend të acaruar pas fjalimit të tij duke ironizuar presidentin Ilir Meta.

“Qetësohuni. Unë njoh një person që ka kaluar në këto faza. Në fillim i iku dashuria, tani po i ikën mendja. Mos u futni në këto faza se nuk ju bëjnë mirë për shëndetin mendor”, tha Balla.

Menjëherë pas tij, replikën e kërkoi Kujtim Gjuzi i cili debatoi me drejtuesen e seancës Vasilika Hysi. “Po bëni më keq se Ilir Meta sot”, iu përgjigj Hysi.

 

Nga ana tjetër Gjuzi akuzoi partitë e mëdha në vend se bashkëpunojnë për ndarjen e pushtetit.

“Ju bashkëpunoni me PD. Ju jeni dy nëndetëset. Dy motorët janë Luli me Edin. Qeveri me akademikë. I hoqët akademikët nga listat e PS. Dogjët dje ditën e verës”, tha Gjuzi./mv.abcnews.al