Loading ...
Liqeni Brenets në kufirin zvicerano-francez është pothuajse i tharë dhe ka qenë i palundrueshëm për më shumë se një javë për shkak të një thatësire të zgjatur që ka goditur rrugët ujore në të gjithë Evropën.
Liqeni normalisht është i mbushur me kampistë, notarë dhe kanoeistë gjatë verës, ndërsa tre kompani anijesh zakonisht transportojnë mijëra turistë përmes tij çdo sezon.
Por këtë vit është praktikisht i shkretë pasi nivelet e ujit kanë rënë ndjeshëm pas muajsh me reshje të pakta shiu dhe tre valëve të njëpasnjëshme të të nxehtit, e fundit prej të cilave është ende në vazhdim.
Me reshje shiu rreth gjysmën e niveleve të zakonshme që nga prilli, agjencia e motit MeteoSuisse thotë se thatësira e këtij viti është e krahasueshme me disa nga thatësirat më të këqija të vendit në vitet 1976, 2003 dhe 2018.
Parashikimet e saj afatgjata sugjerojnë se reshjet nën normale do të vazhdojnë deri në mesin e gushtit. Banorët thonë se një ujëvarë aty pranë që rrjedh nga liqeni, Saut de Doubs, është tharë.
“Është kaq e bukur kur ka ujë, kur rrjedh. Është një vend idilik dhe i mrekullueshëm. Më trishton ta shoh vendin kështu”, tha Martial Beyeler, një banor 69-vjeçar.
