Franca dhe Gjermania duket se po shkojnë drejt një bllokimi të ri. Mbrëmjen e sotme në orën 20:00 Emmanuel Macron do t’u njoftojë francezëve masat e reja të vendosura për të frenuar valën e dytë të koronavirusit , e cila duket jashtë kontrollit.
Megjithëse linja zyrtare ka qenë prej kohësh ajo e “gjithçkaje përveç mbylljes”, ne po shkojmë drejt një bllokimi të ri kombëtar, që zgjat një muaj: ndoshta me shkolla fillore dhe të mesme të hapura, shumë përjashtime për ata që nuk mund të punojnë në shtëpi dhe perspektiva e rihapjes në kohë për Krishtlindje, por gjithsesi tabu i një izolimi të ri duket se ka rënë”, ka deklaruar më herët kryeministri Jean Castex.
Mirëpo, strategjia e miratuar deri më tani nga Kryeministri Jean Castex, një përgjigje graduale dhe mbi një bazë lokale, ka qenë shumë pak e dobishme.
Shifrat tregojnë një situatë shumë shqetësuese, rastet janë rritur me 74 përqind në tetë ditë, duke arritur në 52,000 në 24 orë të dielën, përcjell abcnews.al.
Ndërsa Macron mund të inkurajohet të marrë një vendim më të rreptë, nga ana tjetër Kancelarja Merkel, me një Gjermani me shifra në rritje të shpejtë, por situata është më në kontroll po mendon për një “bllokim të lehtë”, me mbylljen e bareve dhe restoranteve.
Të gjitha vendet evropiane po përballen me një valë të dytë që shumë politikanë dhe ekspertë të cilët ishin padyshim shumë optimistë këtë verë menduan se mund ta përjashtonin.
Pas Irlandës, e para që dekretoi një bllokim të ri një javë më parë, dhe më pas Uellsin dhe pjesën veriore të Portugalisë, Belgjika gjithashtu mund të vendosë të ripërcaktojë të premten, ndërsa Spanja për momentin ka zgjedhur një shtetrrethim natën. Ndërkohë, Holanda dje miratoi një “ligj të kurorës”, i cili ofron një bazë më solide për masat e reja, mbyllja e pjesshme dhe maska e detyrueshme. g.v/abcnews.al
