Loading ...
Ushtria izraelite ka nisur sulme ajrore ndaj objektivave në jug të Libanit, menjëherë pasi u bëri thirrje banorëve të shtatë fshatrave në veri të lumit Litani të evakuohen urgjentisht.
Sipas raportimeve, avionët luftarakë izraelitë kanë kryer një bastisje në zonën e Kfar Tibnit, një prej fshatrave të përmendur në deklaratën e ushtrisë izraelite (IDF).
Zhvillimet vijnë në një moment kritik, pas hyrjes në fuqi të një armëpushimi më 17 prill, i cili parashikon që Izraeli ruan të drejtën për të ndërmarrë veprime ushtarake kundër objektivave të Hezbollahut në rast kërcënimi.
Situata në jug të Libanit mbetet e tensionuar, ndërsa pritet reagimi i palëve dhe komunitetit ndërkombëtar për përshkallëzimin e fundit.
