Operacioni i shpëtimit në fabrikën e çelikut Azovstal do të përfundojë vetëm kur të gjithë ushtarët e Mariupolit të jenë evakuuar, tha për BBC zëvendësministrja e mbrojtjes e Ukrainës, Hanna Maliar.
“Ka ende shumë njerëz që kanë mbetur të bllokuar në Azovstal dhe ne po vazhdojmë negociatat për t’i larguar ata nga atje,” tha Maliar.
Sipas saj, ky është një operacion i rëndësishëm dhe çdo komandë mund të jetë potencialisht e rrezikshme për jetën e njerëzve.
Thirrjet nga politikanët në Moskë për të ndjekur penalisht disa nga ushtarët që janë evakuuar nga fabrika e çelikut për krime lufte “ka shumë të ngjarë të jenë bërë për shkak të propagandës në Rusi”, tha Maliar.
“Negociatat po vazhdojnë dhe ne shpresojmë shumë për një rezultat pozitiv”.
/abcnews.al
