Loading ...
Në Anchorage të Alaskës janë zhvilluar protesta në shenjë solidariteti me Ukrainën, pak orë para takimit të paralajmëruar mes presidentit amerikan Donald Trump dhe presidentit rus Vladimir Putin.
Qytetarë të shumtë u mblodhën me flamuj ukrainas, pankarta dhe thirrje kundër agresionit rus, duke kërkuar mbështetje të palëkundur për popullin ukrainas dhe qëndrime më të qarta nga liderët ndërkombëtarë.
Protestuesit kritikuan gjithashtu mbajtjen e takimit pa praninë e përfaqësuesve nga Ukraina, ndërsa theksuan nevojën për transparencë dhe presion të shtuar ndaj Rusisë.
