Tregtarët e tregut industrial kanë protestuar përpara Bashkisë Berat. Ata kërkojnë pagën e luftës e cila sipas tyre nuk ju është dhënë.
“Kemi që prej datës 12 mars që kemi ulur qepenat, taksat të papaguara, siguracione të paguara, kërkojmë që të na jepet paga e luftës. Nuk kemi me para për të mbajtur familjen”, u shpreh një prej tregtarëve.
Ndërkohë, edhe mbyllja e tregut të fruta-perimeve në Vlorë, i njohur ndryshe edhe si tregu i “Orizit” ka bërë që tregtarët ditën e djeshme të protestonin para Bashkisë.
Sipas Autoritetit Kombëtar të Ushqimit arsyet të mbylljes së tregut ishin për shkak mungesës së kushteve higjienike. Por, këta tregtarë u shprehën se puna në atë treg është e vetmja mundësi për të mbajtur familjen.
