Loading ...
Lufta u afrua sërish në tokën e NATO-s dhe shënjestër ishte edhe njëherë Turqia.
Një raketë balistike e lëshuar nga Irani u rrëzua në hapësirën ajrore turke, sipas ministrisë së mbrojtjes së vendit.
Raketa u shkatërrua nga sistemet mrbojtëse të NATO-s me bazë në Mesdheun lindor, ndërsa copa municionesh ranë në fusha të zbrazëta në Gaziantep, në Turqinë juglindore.
Ministria turke e Mbrojtjes theksoi se do të ndërmarrë të gjithë hapat e nevojshëm, pa hezitim, kundër çdo kërcënimi drejtuar territorit dhe hapësirës ajrore të Turqisë.
Ky është incidenti I dytë I tillë brenda një jave. Të mërkurën sistemet mbrojtëse të NATO-s rrëzuan një raketë ajrore që ishte drejtuar për në hapësirën ajrore turke, ndërsa Teherani mohoi përgjegjësinë për sulmin.
Megjithatë pas incidentit të parë, shefi I NATO-s Mark Rutte tha se Neni 5 I aleancës nuk është në tryezë, mes frikës për një përfshirje të aleatëve në luftë.
Nderkohe Shtetet e Bashkuara kanë pezulluar shërbimet konsullore në misionin e tyre në Turqinë juglindore dhe kanë urdhëruar largimin e personelit jo-emergjent dhe familjeve të tyre, duke përmendur shqetësimet në rritje të sigurisë rajonale.
Lufta në Lindjen e Mesme ka alarmuar gjithë Mesdheun Lindor, pasi dronët iranianë kanë arritur deri në Qirpo, në bazën ajrore të ishullit.
Pas këtyre incidentëve aleatët u mobilizuan, me Francën, Italinë, Greqinë, Turqinë dhe vetë Mbretërinë e Bashkuar që kanë përforcuar praninë ushtarake në rajon.
Ndërkohë presidenti francez Emmanuek Macron vizitoi Qipron, në një shenjë mbështetjeje dhe solidariteti nga Parisi.
Macron u takua me kryeministrin grek Kiriakos Mitsotakis dhe kryeministrin qipriot Nikos Christodoulides.
Vizita e Macron në ishull ka rritur kritikat ndaj Mbretërisë së Bashkuar, baza e së cilës u sulmua. Liderët kryesore të vendit, duke filluar që nga kryeministri Keir Starmer nuk kanë qenë ende në Qipro, ndërsa ka vonuar edhe mbërritja e anijeve luftarake.
