Loading ...
Burrë e grua janë plagosur mëngjesin e kësaj të hëne në Tiranë pas një shpërthimi eksplozivi.
Ngjarja ndodhi rreth orës 06:22 në zonën e Mëzezit, ku dy bashkëshortët Lulëzim e Lirie Selfo kanë qenë duke dalë për në oborrin e shtëpisë.
Kur kanë hapur derën e shtëpisë ndodhi një shpërthim, ku si pasojë, sipas policisë, mbetën të dëmtuar lehtë dy bashkëshortët.
Çifti Selfo u dërgua menjëherë në spital dhe sipas burimeve zyrtare ndodhen jashtë rrezikut për jetën.
Nga shpërthimi gjithashtu ka pasur dëmtime në derën e jashtme të shtëpisë.
Policia ndodhet në vendngjarje dhe po punohet për zbardhjen e rrethanave dhe shkakut të ngjarjes./abcnews.al
