Dy duele të tjera në futbollin shqiptar sot. Në Abissnet Superiore Teuta pret Skënderbeun në stadiumin “Niko Dovana” prej orës 16:45. Durrsakët do kërkojnë me çdo kusht të fitojnë, që të mbajnë një distancë sigurie me zonën e ftohtë.
Skënderbeu nga ana tjetër ka nevojë për pikë, pasi renditet në vendin e fundit në klasifikim dhe rënia në Kategorinë e Parë është një realitet i prekshëm tani. Kështu që pritet që dueli i sotëm të jetë si një finale.
Në Kategorinë e Parë përballen dy ekipe që duan të renditen në gjashtë të parat. Besa-Tërbuni luhet prej orës 15:00 dhe është dueli i fundit i javës së 25-të. /abcnews.al
