Mësuesit do të futen në provim. Testi do te jetë ndërkombëtar dhe do të masë njohuritë e arsimtarët në shkollat tona. Njëkohësisht do ti krahasojë ato me mësuesit në vendet europiane. Bëhet fjalë për vlerësimin për mësimdhënien “Talis” ku Shqipëria merr pjesë për herë të parë.
“Ne po punojmë, në prill do të bëhet ky vlerësim nderkombëtar”
Ministrja e Arsimit tregoi se përgatitjet kanë nisur gjatë analizës së maturës shtetërore ku foli dhe për pissa 2022 rezultatet e programit që vlerësoi njohuritë e 15 vjeçarëve në matematikë, lexim dhe shkencë ku Shqipëria ra me 15 vende krahasuar me 2018. Sipas ministres nëj plan ambicioz është hartuar për të përmirësuar rezultatet e nxënësve e që do të nisë zbatimin nga ky muaj.
“Dy janë drejtimet kryesore ku do të fokusojmë punën tonë. E para, nisja e procesit të rëndësishëm për ne, modernizimi i kornizës kurrikulare. E dyta është programi kombëtar për zhvillimin profesional të mësuesve, të cilin ne tashmë e kemi projektuar dhe do ta shpallim brenda muajit janar. Janë 4000 mësuesit të shkencave, gjuhës dhe TIK, të cilët do trajnohen përgjatë vitit 2024 në metodat efektive të mësimdhënies”
Sa i përket maturës shtetërore ministrja tha se do të forcohen masat për administrimin e procesit. Kalueshmëria në këtë provim vitin e shkuar ishte 99% ndërsa rezultatet më të lartë u arritën në gjuhë shqipe dhe letërsi më të ultat në matematikë./abcnews.al
