“Tërbohet” grekja, kërcënon me thikë nxënësit në shkollë

schedule14:55 - 30 Shtator, 2022

schedule 14:55 - 30 Shtator, 2022

Një 40-vjeçare ka hyrë në një shkollë në Greqi dhe ka kërcënuar me thikë nxënësit, të cilët janë tmerruar nga gruaja e “tërbuar”.

Ngjarja ka ndodhur sot në një shkollë në qytetin e Volosit, Greqi.

Gruaja ka hyrë në shkollë e tërbuar dhe në mënyrë karakteristike ka bërtitur “Do ju ha, do ju rrah” . Policia ka shkuar menjëherë në vendngjarje për të neutralizuar gruan, e cila më pas u dërgua në komisariat.

Ndaj gruas është ngritur një dosje nga Policia e Magnezisë, e cila po heton ngjarjen, raporton abcnews.al.

Po hetohet nëse gruaja është nënë e ndonjërit nga nxënësit e shkollës në fjalë ose në shkollat përreth zonës./abcnews.al/