Tentoi të kalonte kufirin me municione luftarake dhe 4 armë të ftohta në automjet/ Morinë, arrestohet 39-vjeçari kosovar

Policia ka arrestuar një 39-vjeçar nga Kosova, pasi tentoi të kalonte kufirin me municion luftarak dhe 4 armë të ftohta në automjet.

Gjatë kontrollit në automjet, shërbimet e Policisë gjetën 2 karikatorë me fishekë, 2 thika, 1 sëpatë dhe 1 shkop metalik si ai i Policisë, të cilat u sekuestruan në cilësinë e provës materiale, bashkë me automjetin.

Materialet procedurale iu referuan Prokurorisë, për veprime të mëtejshme.