Të paktën 3 të vdekur nga shpërthimi në Madrid

schedule15:32 - 20 Janar, 2021

schedule 15:32 - 20 Janar, 2021

Një shpërthim i fortë ka ndodhur në qendër të Madridit, raporton stacioni televiziv La Sexta sipas të cili deri tani janë numëruar 3 të vdekur dhe disa të lënduar.

La Sexta TV citoi burime qeveritare duke thënë se mund të ketë qenë një rrjedhje gazi. Dy dëshmitarë i thanë gjithashtu Reuters se ata dëgjuan një shpërthim të fortë.

Tymi u vu re në lagje pas shpërthimit, raportuan dëshmitarët. Shërbimet e urgjencës ende nuk e kanë konfirmuar çfarë që ka ndodhur saktësisht. Megjithatë, sipas El Rais, shpërthimi shkatërroi tre katet e fundit të ndërtesës, në të cilën ishte vendosur një institucion fetar.

Nga vendngjarja shihen njerëz në panik, tym dhe makina të dëmtuara. Autoritetet janë duke evakuuar të moshuarit nga një azil aty pranë.