Loading ...
Të paktën 13 persona humbën jetën të martën si pasojë e sulmeve izraelite në disa zona të Libanit jugor, njoftoi Ministria e Shëndetësisë e Libanit.
Sipas autoriteteve libaneze, pesë persona u vranë nga granatimet izraelite në qytetin Nabatia, ndërsa mes viktimave ishin edhe dy anëtarë të Shërbimit të Mbrojtjes Civile.
Në qytetin Zimbcit, disa kilometra larg zonës së parë të sulmit, katër persona të tjerë u vranë, përfshirë një ushtar dhe një shtetas sirian.
Ndërkohë, në Bid Jbeil, katër civilë – mes tyre një grua dhe një fëmijë – humbën jetën nga një tjetër sulm izraelit. Ministria e Shëndetësisë bëri të ditur se edhe 12 persona të tjerë mbetën të plagosur.
Tensionet në kufirin mes Izraelit dhe Libanit vazhdojnë të mbeten të larta, ndërsa përplasjet e fundit kanë rritur frikën për një përshkallëzim më të gjerë të konfliktit në rajon.
