Quentin Tarantino dhe gruaja e tij Daniella Pick janë bërë sërish prindër. Regjisori 59-vjeçar dhe këngëtarja 38-vjeçare mirëpritën një vajzë në jetë. Vogëlushja ka ardhur në jetë me 2 Korrik, lajm të cilin e kanë konfirmuar vetë ata përmes një deklarate për “People”.
“Daniella dhe Quentin Tarantino janë të lumtur të njoftojnë se Daniella solli në jetë vajzën e tyre më 2 korrik 2022, një motër e vogël e Leos, fëmijën e tyre të parë”, tha çifti në një deklaratë për revistën. Ata konfirmuan se ishin në pritje të fëmijës së dytë në shkurt.
Ata kanë dhe një djalë të quajtur Leo. Ndërsa shumë spekulonin se ai e quajti kështu djalin për shkak të bashkëpunëtorit të tij të shpeshtë Leonardo DiCaprio, ai zbuloi se nuk është kështu. “Njerëzit supozonin se unë e emërova sipas Leonardo DiCaprio-s.
Nuk ka asgjë të keqe me këtë, por … ai ka marrë emrin e gjyshit të gruas sime, por edhe sepse, vetëm në zemrat tona, ai ishte luani ynë i vogël”, tha ai.
/abcnews.al
