Sulmet në shkolla, Ohio armatos mësuesit

schedule09:05 - 4 Qershor, 2022

schedule 09:05 - 4 Qershor, 2022

Ohio do të miratojë një ligj që do t’i lejojë mësuesit dhe stafin tjetër të mbajnë armë në shkolla pasi të kenë përfunduar fillimisht një “program arsimor bazë” që zgjat deri në 24 orë, shkruan USnews.

Kritikët, përfshirë sindikatat e mësuesve dhe sindikata më e madhe e policisë në Ohio, janë të shqetësuar pasi shkollat ​​po bëhen gjithnjë e më të rrezikshme për fëmijët. Projektligji u finalizua dhjetë ditë pas një sulmi vdekjeprurës në një shkollë në Uwalde, Teksas, në të cilin një adoleshent i armatosur vrau 19 fëmijë dhe dy mësues.

Guvernatori republikan Mike Dewine ka thënë se synon të nënshkruajë projektligjin, i cili u miratua nga Asambleja e Përgjithshme e Ohiao (e kontrolluar nga republikanët) këtë javë.

Projektligji kishte për qëllim të rrëzonte vendimin e Gjykatës së Lartë të Ohios vitin e kaluar që mësuesit duhet të kryejnë një program trajnimi për armët për më shumë se 700 orë përpara se të lejohen të mbajnë armë në ambientet e shkollës.

Mësuesit  duhet t’i nënshtrohen një kontrolli të dosjeve kriminale dhe të kryejnë tetë orë trajnime shtesë çdo vit. Sipas ligjit të ri, distriktet shkollore do të duhet të informojnë prindërit nëse do të  vendosin të lejojnë mësuesit të mbajnë armë në ambientet e shkollës.

Është e paqartë se sa shkolla në Ohios do të zgjidhnin që mësuesit të armatoseshin.

/abcnews.al