Sulm me bombë në bazën ushtarake, disa të vrarë në Somali

schedule16:21 - 8 Gusht, 2020

schedule 16:21 - 8 Gusht, 2020

Një sulm ndaj një baze ushtarake në kryeqytetin e Somali, Mogadishu, ka vrarë të paktën tetë persona dhe 14 të tjerë janë plagosur, thonë zyrtarët.

Shpërthimi kamikaz u dëgjua në të gjithë qytetin. Grupi militant islamik Al-Shabab tha që ishte autor i sulmit.

Koloneli Ahmed Muse i tha Associated Press se shpërthimi ndodhi në portat e bazës së Brigadës së Ushtrisë pranë stadiumit sportiv të rihapur kohët e fundit në rrethin Warta-Nabadda.

Stadiumi u hap në qershor dhe u pa si një simbol i vendit që rindërtohej pas viteve të konflikteve.

Halima Abdisalan, një nënë e tre fëmijëve që jeton afër zonës i tha agjencisë së lajmeve Reuters se ushtarët hapën zjarr pas shpërthimit. “Ne kemi vrapuar brenda nga frika,” tha ajo.

Goditja e një baze ushtarake është një veprim i guximshëm i cili ka të ngjarë të shqetësojë qeverinë, raporton redaktori i Shërbimit Botëror të BBC në Afrikë, Will Ross.