“Nuk je në planet e mia”, ishin fjalët e Ronald Koeman dhe Luis Suarez e di që tani duhet të mendojë për një skuadër të re. Sulmuesi nuk është nga ata që dorëzohet, por me një trajner që ka pikëpamje të tjera nuk mund të bashkëpunojë.
Largimi nga Barcelona është zgjidhja më e mirë për të gjithë dhe ofertat për të nuk mund të mungojnë. Suarez është 33 vjeç dhe së fundmi Marc Overmas i ka bërë një telefonatë për të tentuar rikthimin tek Ajax në Holandë. Ky opsion nuk i intereson sulmuesit.
“Sport” shkruan se për Suarez ka oferta nga Serie A dhe Premier League, ndërkohë që një opsion është edhe kalimi te PSG. Gjithsesi francezët nuk janë të gatshëm të bëjnë marrëveshje me Barcelonën, por të presin sezonin e ardhshëm e ta marrin falas sulmuesin. /abcnews.al
