Diplomati Ylber Hysa, në një intervistë për emisionin “Ballkan Update” u pyet nga gazetarja Linda Karaku edhe për stërvitjen e përbashkët ushtarake mes NATO-s dhe Serbisë. Sipas tij, kjo është një përpjekje që Serbia të renditet përfundimisht krah aleatëve perëndimorë.
“Ne jemi koshientë për ndryshimet që Serbia tashmë është në përpjekje për t’i bërë pas luftës në Ukrainë. E keni parë edhe lajmin që fakti që Serbia madje ka shitur armë në Ukrainë është një lloj përpjekje që shihet me pranimin e marrëveshjes gjermano- franceze, që Serbia të renditet definitivisht nga Perëndimi dhe tashmë në një mënyrë apo në një tjetër kjo po ndodh.
Ajo që pamë në Mal të Zi dhe nesër që ndoshta mund t’a shikojmë në Republika Srpska ku mund të ketë sfidë përveç Dodik, po krijohet një parti e re, për të cilën ka fjalë që e ka mbështetur edhe Vuçiç. Pra bëhet fjalë për një përpjekje që dëshiron ta transformojë atë që quhet bota serbe në botën perëndimore. Ushtrimi që bëhet në këto ditë me NATO-n është maja e ajsbergut.”, tha diplomati./abcnews.al
