Ballkan

korona12.jpg
Autor E11:22 | 19/03/2020

Të bombarduar nga informacionet mediatike, shqiptarët, me të drejtë, i ka përfshirë paniku i përhapjes së epidemisë së fundit të gripit kinez.

Asnjëherë më parë ata nuk kishin pasur një informacion kaq të hollësishëm, kaq të plotë dhe kaq të përditësuar për një rrezik që ka të bëjë me vetë ekzistencën e tyre biologjike.

Kanë të drejtë! Mjekët, epidemiologët apo specialistë të tjerë, nuk janë të sigurt dhe nuk japin garanci të plota, pasi ata nuk e kanë hasur e trajtuar më parë këtë sëmundje.

Por, ka gjithsesi një lajm të mirë. Nëse zhysim vështrimin në thellësi të së shkuarës, për të lexuar ndonjë informacion shpresëdhënës, statistikat shfaqen optimiste, pasi nuk flasin për humbje të rëndësishme jetësh njerëzore.

Pra, edhe pse historia njeh një numër të madh epidemish e pandemish të kaluara përmes trojeve tona, humbjet njerëzore në asnjë rast të njohur nuk kanë qenë të përmasave të konsiderueshme.

Të vendosur kryesisht në fshatra të shkëputur nga njëri-tjetri, apo qoftë në lagje të vogla e kulla krejt të veçuara, dhe pa kontakte të shpeshta me njëri-tjetrin, shqiptarët duket kanë qenë një popull me fat përsa i përket përballjes historike me epidemitë apo qoftë pandemitë botërore.

Në këtë mënyrë ata i kanë shpëtuar me pak pasoja edhe pandemisë së murtajës, të viteve 1346-1353, e cila me shifrën 75-200 milionë të vdekur i shkaktoi botës humbjen më të madhe njerëzore të të gjitha kohërave.

Të njëjtat rrethana i kanë ndihmuar shqiptarët që ti shpëtojnë me pak pasoja edhe epidemive të kolerës, por edhe atyre të gripit.

Por kohët kanë ndryshuar. Tashmë të zbritur e grumbulluar në qytete të mëdha dhe fare pranë qytetarëve dhe qytetërimeve të tjera të Botës, shqiptarët nuk e kanë më atë guaskën mbrojtëse të dikurshme, të garantuar, qoftë nga mënyra e jetesës, qoftë nga gjeografia, qoftë nga sistemi i mbyllur politik komunist.

Tashmë ata, ashtu si e gjithë bota, duhet të përballen me të njëjtën frekuencë të përhapjes së viruseve dhe me të njëjtin risk të humbjes së jetës së tyre apo të të afërmve.

koronavirus-pacientet-gjaku.jpg
Autor E11:12 | 19/03/2020

Të gjitha vendet e Ballkanit janë prekur tashmë nga koronavirusi ndërkohë që qeveritë respective kanë marrë masa për tu përballur me të.

Mjekë, politikanë dhe gazetarë tregojnë se cfarë po ndodh në Prishtinë, në Ulqin, në Shkup dhe në Beograd.

Më poshtë, ndiqni të plotë intervistat e gazetares së Abc News, Linda Karadaku për emisionin Ballkan:

 

ullll.jpg
eri Ida22:52 | 14/03/2020

Qyteti i ulqinakëve ka nxjerrë familje të mëdha, të cilat kanë pasur disa kapitenë anijesh ndër breza. Disa jetojnë në Ulqin, në Malin e Zi, disa në Shkodër apo Durrës në Shqipëri. Duke ndjekur vijën bregdetare të Adriatikut, ekipi i Abc News ka shkuar tek familjet ulqinake te Hajro Nimanbegut në Ulqin dhe Ahmet Shurdhës në Shkodër.

Ulqini që njihej në Iliri me emrin Ulkin ndërsa në gjuhën latine  Olcinium, ndodhet në pjesën jugore të Malit të Zi pranë Detit Adriatik.  Është një nga qytetet më të vjetra në bregdetin e Adriatikut. Qyteti i ulqinakëve ka nxjerrë familje të mëdha, të cilat kanë pasur dhe disa ende vazhdojnë të ruajnë traditën e lidhjes me detin, duke pasur ende barkat e tyre. Këto familje kanë nxjerrë disa kapitenë anijësh ndër breza. Disa jetojnë në Ulqin, në Malin e Zi, disa në Shkodër apo Durrës në Shqipëri.

Duke ndjekur vijën bregdetare të Adriatikut, shkojmë tek familja e Hajro Nimanbegut në Ulqin dhe në kthim, tek familja e Ahmet Shurdhës në Shkodër. Familja e Hajro Nimanbegut ka nxjerrë 7 kapitenë anijësh në breza të ndryshëm dhe jeton në në kalanë e Ulqinit. Kalaja me disa shtresëzime qëndron mbi det dhe është nga më të rrallat që vazhdon të banohet sot e kësaj dite nga ulqinakët. Hajro na prêt në shtëpi, në një nga rrugicat e kalasë, të cilën duhet ta ngjisësh me kujdes dhe ta zbresësh edhe me më shumë kujdes për të mos u rrëzuar në pjerrësinë e saj.

Hajro ka një shpjegim të vecantë se pse nuk ka më detarë ulqinakë sic kishte dikur dhe sic ka qenë tradita.  Gruaja e tij Melihatja e miraton shpjegimin në mënyrën e saj.

Nipi dhe mbesa e Hajros kanë shpjegimet e tyre për detin dhe legjendat që lidhen me të. Djali i Hajros, Genc Nimanbegu është nënkryetar i parlamentit të Malit të Zi. Por sot nuk do të flasim për politikë, por për detin, anijet dhe ulqinakët.

Genci thotë se një nga gjërat që duhet bërë është që lumi Buna të bëhet përsëri i lundrueshëm sic ka qenë dikur.

Largohemi nga ulqinakët e Ulqinit për të shkuar drejt ulqinakëve të Shkodrës, aty ku banon një komunitet që ka ruajtur ende të fortë ndjesinë e qytetit nga kanë ardhur dhe sigurisht lidhjen me detin dhe anijet. Tek familja e Ahmet Shurdhës shkojmë me Petritin, një ulqinak tjetër nga Shkodra, që ka gjithashtu historinë e tij. Të parët e tij dhe të parët e Ahmet Shurdhës ua patën shitur anijet dy palëve ndërluftuese në luftën e parë botërore.

Ahmet Shurdha, tek të 70-tat na prêt në një nga lagjet e Shkodrës në një shtëpi të vjetër shkodrane të sapo-restauruar. Ahmeti ka 12 vjet që kujdeset vetë për gruan e tij Mira që ka probleme shëndetsore. Të dy e duan Ulqinin.

Ahmeti ruan dokumenta të vjetra që tregojnë dhe provojnë historinë e familjes së tij dhe lidhjen me detarinë.

Largohemi nga familja e Ahmet Shurdhës që ngul këmbë të na përcjellë deri tek porta sepse kështu e do zakoni. Kemi lënë pas dy familje ulqinakësh, Nimanbegët dhe Shurdhat, një në Ulqin dhe një në Shkodër, të cilët I bashkon jo vetëm qyteti I bukur mbi Adriatik, por edhe detaria, anijet dhe dashuria për detin e kthjellët blu që të josh për tu kthyer gjithmonë, edhe nëse kanë kaluar 100 e ca vjet që nga koha kur e ke lënë pas. /abcnews.al

shqiprim.jpg
Autor E20:21 | 04/03/2020

Kreu i Luginës së Preshevës, Shqiprim Arifi shprehet se Kosova dhe Serbia duhet të ta bëjnë edhe luginën pjesë të dialogut mes tyre për shkak të problematikave të mëdha që hasin minoriteti shqiptar atje.

Në një intervistë për emisionin “Ballkan” në Abc Neës, Arifi shprehet se Kosova duhet të vendosë kusht ndaj Serbisë raportet me shqiptarët në Luginë.

“Dialogu është esencial për ne pasi duhet që përmes tij të zgjidhen një mori problemesh që ne kemi patur për dekada me Serbinë”, u shpreh ai.

Ndiqni intervistën e plotë:

reze.jpg
Autor E20:20 | 04/03/2020

Rreze Duli është një shqiptare e ngarkuar nga Bashkimit Europian për të punuar me komunat serbe në veri të Kosovës.

Si drejtoreshë e Agjencisë për Zhvillim Rajonal për veriun, Duli punon prej shtatë vitesh me serbët e kësaj zone, cilët mendojnë ndryshe nga Beogradi sa i përket korrigjimit të kufijve të Kosovës.

Në një intervistë për emisionin “Ballkan” në Abc News, Duli tregon se sërbet, ashtu si shqiptarët kanë të njëjtat “halle” si shqiptarët, siç janë punësimi apo problematikat e tjera me natyrë ekonomike.

Për më tepër, ndiqni intervistën e plotë, dhënë për gazetaren Linda Karadaku:

serbi-1.jpg
Autor E21:26 | 26/02/2020

Kreu i Komisionit Parlamentar serb për Kosovën, Milovan Drecun është në të njëjtën linjë me Aleksandër Vuçiç teksa shprehet se kërkon nga liderët e Kosovës që të jenë të besueshëm në raport me Serbinë sa i përket negociatave. Të njëjtën gjë përsërit kohët e fundit Vuçiç sa herë pyetet për negociatat Kosovë-Serbi.

Gazetarja e Abc News, Linda Karadaku zhvilloi një intervistë me Drecun, në të cilën ai shprehet se Kosova duhet të njohë vullnetin e popullit serb dhe të tërhiqet nga Pavarësia.

Intervista e plotë

Linda Karadaku, Abc News: Zoti Drecun, Duhet te kete nje lloj perfundimi ne mes te Kosoves dhe Serbise, nje marreveshje ku te dyja palet do pranojne njera tjetren dhe te jetojne me ne fund normalisht, pas gjithe asaj qe ka ndodhur per dekada apo mbase edhe nje shekull. Sipas mendimit tuaj, cila do te jete zgjidhja e cila do te ishte edhe afatgjate?

Drecun: Problemi i Kosoves eshte jashtëzakonisht i nderlikuar, do te thosha qe zgjat me shekuj. Duhet te gjendet një zgjidhje e cila do te ishte e pranueshme per te dyja palet, edhe per atë serbe, edhe shqiptare, dhe e cila do te ishte afatgjate e qendrueshme.

Me duket se aktualisht nuk ka nje model ne te cilin do te bazoheshim. Duhet te kerkojme nje zgjidhje specifike, mirepo situata fillestare e te dyja paleve eshte shume e fuqishme: nga njera ane Prishtina konsideron se eshte shtet dhe kerkon nga Serbia vetem ta njohe kete shtet te veteshpallur, ne anen tjeter Beogradi nuk do me asnjë kusht qe te pranoje shtetin e veteshpallur ne kete menyre dhe kerkon qe te respektohet integriteti territorial i Republikes se Serbise dhe rezoluta 1244.

Ne konsiderojme se duhet te vazhdojne bisedimet midis Beogradit dhe Prishtines dhe te kerkohet nje zgjidhje politike, pra ekskluzivisht ne menyre paqesore politike per problemin e Kosoves dhe te arrihet nje kompromis. Se si do dukej kjo zgjidhje, mendoj se askush per momentin nuk e di, por mendoj se shteti i vetëshpallur i Kosoves eshte pa perspektivë dhe ai ka hyre ne nje “qorsokak”, nuk mund te ece perpara.

Per serbet eshte gjithashtu nje problem shume i rendesishem dhe per kete arsye deri sa te gjendet nje zgjidhje politike, ne konsiderojme se megjithate duhet te arrijme perparim. Dhe ajo qe zoti Grenell, perfaqesues i zotit Trump, thote, është se duhet arritur perparim ne aspektin ekonomik, prandaj Serbia ka propozuar iniciativen e Minishengenit me Shqiperine, Maqedonine dhe vendet tjera, qe te relaksohet situata ne vendkalimet kufitare; prandaj duam qe te hapet linja ajrore midis Beogradit dhe Prishtines, trafiku hekurudhor, te ndertojme autostraden nga Nishi ne Prishtine, pra të perparojme ne njefare menyre dhe te lehtesojme jeten e njerezeve dhe pastaj te kerkojme nje zgjidhje politike.

Pra une nuk mund t’iu jap nje pergjigje të saktë sesi do dukej kjo zgjidhje. Duhet ta gjejme, por per ta gjetur kete zgjidhje duhet te ekzistoje vullneti politik, vullnet i fuqishem poltik. Per fat te keq, ne konstelacionin e ri politik ne Prishtine, ne nuk shohim ekzistencen e ketij vullneti politik dhe ekziston pengesa kyce per vazhdimin e bisedimeve dhe kjo eshte taksa.

Linda Karadaku, Abc News: Dhe nje pyetje tjeter, Kryeministri i ri i Kosoves ka deklaruar se Kosova eshte çliruar nga Serbia dhe se eshte koha qe Serbia te çlirohet nga Kosova?

Drecun: Mendoj se zgjidhja me  e mire per te gjithe ne do te ishte qe zoti Kurti te çlirohet nga retorika ekstreme politike, te çlirohet nga idea e Shqiperise se Madhe, te pranoje te flase me Beogradin mbi bazat te cilat do te mund te na conin deri tek një zgjidhje kompromisi. Kurti paraqitet me qendrime perjashtuese politikisht ekstreme, e ka mbyllur plotesisht hapesiren per vazhdm te bisedimeve me Beogradin dhe kjo nuk ka asnje perspektive.

Mendoj se tek shqiptaret duhet te rritet ndergjegja politike se pa Serbine nuk ka zgjidhje per ceshtjen e Kosoves dhe Metohise dhe ky problem i Kosoves eshte faktori kryesor i stabilitetit dhe destabilitetit te te gjithe rajonit. Nese rajoni do te shkoje perpara, nese duam te krijojme kushte per nje jete me te mire per te gjithe, ne atehere duhet te zgjidhim problemin e Kosoves ne menyre paqesore politike. Per fat te keq, Kurti nuk eshte i gatshem per kete gje, te pakten jo ne kete faze.

Linda Karadaku, Abc News: E fundit fare; Po ai është Kryeministri i Kosoves, pra a do te flisni me te:

Drecun: Ne Kosove kishte zgjedhje, qytetaret e Kosoves zgjodhen ata te cileve iu dhane besimin. Ne e respektojme vullnetin e zgjedhesve dhe gjithashtu kerkojme qe shqiptaret te respektojne vullnetin e zgjedhesve te popullit serb ne Kosove sepse populli serb i dha besimin absolut Listes Serbe. Pra ne deshirojme te flasim me dike ne Prishtine qe ka nje mandat per kete gje, gjithsesi ne poziten e te ashtuquajturit President gjendet Hashim Thaçi, dhe ne poziten e te ashtuquajturit kryeminister gjendet Albin Kurti.

Ne nuk na interesojne marredheniet midis tyre. Duam te kemi nje bashkëbisedues qe eshte i parashikueshem dhe i cili mund te zbatoje ate per te cilen eventualisht mund te meremi vesh. Pra nuk kemi problem per te biseduar as me Kurtin dhe as me Thacin, ashtu sikurse kemi biseduar edhe me Haradinajn.

Ky eshte vullnet i qytetareve te Kosoves, ata i kane zgjedhur keta njerez dhe ne do ta respektojme kete, por kerkojme gatishmerine dhe perkushtimin e tyre per te biseduar me Beogradin dhe te arrihet nje zgjidhje politike. Nuk eshte zgjidhje dhe nuk do te kete nje te tille nese dikush vetem insiston qe te njohim Kosoven. Shteti i Serbise nuk do ta beje nje gje te tille me asnje kusht.

arbri.jpg
Autor E21:38 | 19/02/2020

Lëvizja Vetëvendosje ka paralajmëruar dërgimin në gjykatën kushtetutese të marrëveshjeve të arritura me Serbinë, nëse gjykohet se ato nuk janë në përputhje me kushtetutën e vendit. Arbër Zaimi, këshilltar I Albin Kurtit, komentoi gjithashtu për ABC Neës se pse nuk pati një takim midis Kurtit dhe ambasadorit Grenell në Munih. Intervistën e plotë me Arbër Zaimin do ta ndiqni sonte në emisionin Ballkan.

Arbër Zaimi, këshilltar politik I kreut të Vetëvendosjes Albin Kurti, kryeministër I Kosovës, ka komentuar në një intervistë për emisionin Ballkan mungesën e kryeministrit Kurti në nënshkrimin e marrëveshjeve midis Kosovës dhe Serbisë për hekurudhat dhe autostradat.

“Pse duhet të ndodhë kjo pa njoftimin e dikasterit përkatës dhe të vetë kryeministrit, por përmes zyrtarëve të cilët janë të nivelit të ulët. Nuk janë zyrtarë të nivelit të lartë. Marrëveshje të tilla do të duhej megjithatë të shqyrtoheshin dhe të konsultoheshin brenda dhe kështu do të ndodhë në të ardhmen. Pse ka ndodhur kështu është për shkak të një precedenti të gabuar të krijuar nga qeveria e kaluar”, shprehet ai.

Zaimi komenton gjithashtu faktin që nuk pati një takim midis Kurtit dhe ambasadorit Grenell në Munih.

“Sa I përket zotit Grenell, zoti Kurti është shprehur që zoti Grenell ka sjellë një energji të re për dialogun dhe ne jemi edhe si subject politik, por sigurisht edhe qeveria e Kosovës, të interesuar për një marrëdhënie sa më të mirë dhe me të dërguarit amerikanë Grenell dhe Palmer për Ballkanin Perëndimor, por edhe me faktorët e rëndësishëm të BE-së përsa I përket Ballkanit Perëndimor. Dhe po punojmë ngushtë me ta”, vijon ai.

Zyrtari i Vetëvendosjes lë të hapur mundësinë që për marrëveshjet e arritura me Serbinë, për të cilat qeveria e re mendon që nuk janë në përputhje me kushtetutën, mund ti drejtohen gjykatës kushtetuese.

“Nëse janë në përputhje me ligjin, ato do të jenë funksionale, nëse nuk janë në përputhje me ligjin dhe me kushtetutën, ato nuk anullohen nga qeveria, por nga vetë fakti që nuk janë në përputhje me ligjin dhe kushtetutën. Është njësoj si marrëveshja dikur për ujrat në Shqipëri, e cila u nënshkrua nga institucionet qeveritare, por në momentin që u gjet që nuk ishte në përputhje me kushtetutën, nuk hyri në fuqi, nuk mori vlerë. Pra, nuk mund të ketë marrëveshje që nuk janë në përputhje ose janë lidhur në mënyrë që nuk përputhet, bie në kontradiktë me ligjin themelor të vendit, që është kushtetuta”, përfundoi Zaimi.

Ndiqni intervistën e plotë, dhënë për emisionin Ballkan në Abc News

ambada.jpg
Autor E21:32 | 19/02/2020

Ambasadori i Kosovës në Tiranë, Nait Hasani ka ftuar ambasadorin e Serbisë për të marrë pjesë në ceremoninë e 12 vjetorit të shpalljes së pavarësisë së Kosovës. Ambasadori konfirmoi për ABC News se ftesa është dërguar zyrtarisht në ambasadën e Serbisë.

Ambasadori i Kosovës në Tiranë, Nait Hasani, thekson rëndësinë e bashkëpunimit midis Kosovës dhe Shqipërisë ndërkohë që pohon ngërcet që ndodhin herë pas here në marrëdhëniet mes tyre.

“Marrëdhëniet Kosovë-Shqipëri si dy shtete kanë divergjenca të vogla, të cilat janë në zhvillim e sipër, në përparim në përafrimin e tyre, ndërsa si komb jemi të konsoliduar. Mjaft mirë konvergojmë njëri me tjetrin, ecim përpara në zhvillimet tona, në mundësitë dhe rrethanat politike që kemi. Jemi po ashtu factor I përbashkët I Ballkanit. Për ne është me rëndësi që kombi ta ruajë identitetin dhe ta mbrojmë dhe ta zhvillojmë kombin tonë”, shprehet ai për Abc News.

Hasani ka ftuar zyrtarisht ambasadorin e Serbisë për të marrë pjesë në ceremoninë e 12 vjetorit të shpalljes së pavarësisë së Kosovës.

“Në ftesë kemi shkruar, ju presim në festën e 12 vjetorit të shpalljes së pavarësisë, të datës 17 shkurt 2008, në 12 vjetorin e pavarësisë, ta festojmë bashkarisht”, shprehet ai.

Ndiqni intervistën e plotë, dhënë për emisionin Ballkan në Abc News:

 

paskal-milo.jpg
ger ta20:57 | 19/02/2020

Ish-ministri i Jashtëm, Paskla Milo i ka cilësuar si të tepërta zhvillimet e fundit politike mes Kosovës dhe Serbisë, ku duket se është krijuar një hendek në marrëdhëniet mes dy vendeve.

Në një intervistë për gazetaren Linda Karadaku, në emisionin “Ballkan”, Milo duke iu referuar përplasjes së fundit mes Albin Kurtit dhe Edi Ramës, tha se dy kryeministrat duhet të ishin marrë vesh para konferencës për shtyp.

“Unë nuk dua ta përgjithësoj nivelin e marrëdhënieve mes Shqipërisë dhe Kosovës. Vërtet mund të ketë patur në momente të veçanta ndonjë ulje, por përgjithësisht tendeca ka qenë pozitive dhe marrëdhëniet kanë qenë shumë të ngushta. Ne në momente të veçanta.

Por le të flasin aktualisht, ka qenë e panevojshme u duhej kursyer shqiptarëve kjo ndjesi e këtyre ditëve, që midis Kosovës dhe Shqipërisë është krijuar një hendek, madje do ta quaja të tepërt dhe jo të mençur që kryeministrat e të dy vendeve në një konferencë shtypi, duke mos mjaftuar ajo çfarë kishin biseduar brenda zyrave të mund t’i shpallnin mosmarrëveshjet e tyre kaq hapur. Ndikoji negativisht në atmosferën e përgjithshme që duhet të kishte vizita për herë të parë e kryeministrit të qeverisë së re të Kosovës në Tiranë. Unë mendoj se kjo duhet kapërcyer me mirëkuptim, nuk është e thënë që për të gjitha çështjet të bien dakord sepse në fund të fundit pavarësisht se jemi një komb janë dy shtete që veprojnë në rrethana të ndryshme dhe jo gjithnjë mund të puqen interesat e dy shteteve. Nuk duhet të ngatërrohet koncepti i kombit dhe shtetit’, tha Milo. /abcnews.al


Rreth Nesh

ABC NEWS është i pari televizion në Shqipëri që në ditën e parë të transmetimeve nis me lidhje direkte nga 7 studio lokale ne Shkodër, Durrës, Elbasan, Korcë, fier, Vlorë e Gjirokaster. Për të pasuruar gjeografinë e informacionit së shpejti do të mundesohet edhe studio nga Lezha me transmetime live në cdo kohë.
Në faqen zyrtare në internet, abcnews.al do të gjeni portalin më të pasur ballkanik me lidhje në rrjetet më të mëdha sociale facebook, twitter si dhe në një prej websiteve më të fuqishëm në kulturën e internetit YOUTUBE. Transmetimi i ABC news është live 24 ore. 
NUIS/NIPT K01711004F


Kontakt

Telefono