Mbrëmjen e sotme në Elbasan u luajt një nga ndeshjet më të forta të javës së tretë të “Abissnet Superiore”, ku Partizani pritës barazoi 1-1 ndaj Vllaznisë.
Pas ndeshjes, ABC ka arritur të sigurojë një prononcim të shkurtër të presidentit të Partizanit, Gazmend Demi, i cili megjithëse kërkonte fitoren me patjetër, në fund e pranoi edhe barazimin.
“Ekipi nuk luajti keq, ishte barazim i merituar. Shpresojmë të ecim nga java në javë më mirë. Pritshmëritë? Sa herë luajmë synojmë fitoren, por sot fati nuk ishte me ne.
Merkato e duhur? Këtë e di stafi, unë ia kam plotësuar kërkesat 100%”, tha presidenti i të kuqve direkt pas ndeshjes. /abcnews.al
