Kryeministri Edi Rama ka deklaruar gjatë konferencës së përbashkët me presidentin turk Rexhep Tajip Erdogan, se ky i fundit e fitoi bastin për Spitalin Memorial të Fierit.
Ai ka theksuar se pavarësisht se në Turqi bastet janë të ndaluara, Erdogan prapë e fitoi bastin me shqiptarët.
“Shumë faleminderit për fjalët të një miqësie të posaçme, por e kam të pamundur të mos bëjë një sqarim. Zoti president ne nuk kemi vënë bast për spitalin, sepse në Turqi janë të ndaluara me ligj, ndërsa në Shqipëri lejohen vetëm online. Ju e fituat bastin me shqiptarët për spitalin. Ai spital ishte investimi i parë publik në botë me 3 milionë supervizorë ditë për ditë. Edhe ju e fituat bastin me shqiptarët. Thënë kjo dua t’ju falenderoj për mikëpritjen”, u shpreh Rama. /abcnews.al
