Në ditën e fundit të dorëzimit të kanditaturave për tiu bashkuar prokurorisë së posaçme, edhe 3 prokurorë të tjerë kanë shprehur interesin, duke e çuar në 7 numrin e tyre.
Prokurorët Pali Deçolli, Bledar Maksuti dhe Anita Jella, kanë shprehur interes pranë Këshillit të Lartë të Prokurorisë për t’u bërë pjesë e Strukturës së Posaçme.
Më herët kanë dorëzuar kandidaturën Prokurorja Sonila Muhametaj, Albert Kuliçi Olsi Dado dhe prokurori Kreshnik Ajazi.
Afati i fundit për aplikime për tre vende vakante në SPAK është dita e hënë, ndërsa me zgjedhjen e tyre do të plotësohet e plotë për herë të parë trupa e SPAK që duhet të ketë në përbërje 20 prokurorë.
