Nesër zhvillohet finalja e Euro 2020. Italia dhe Anglia do të sfidohen në mitikun “Wembley”, duel që fillon prej orës 21:00.
Në Skoci nuk mund të jenë me skuadrën e Southgate, kjo për shkak të urrejtjes së madhe që kanë ndaj Anglisë, dhe të gjithë shpresojnë në triumfin e Italisë.
Gazeta e pavarur skoceze, The National ka vendosur në kopertinë një version të Roberto Mancinit nga filmi i famshëm “Braveheart”.
“Na shpëto Roberto, ti je… Shpresa e Fundit (Nuk mund t’i përballojmë ata edhe 55 vite të tjera duke u mburrur)“, lexohet në komentin e gazetës skoceze.
Anglia ka fituar vetëm një Botëror në vitin e largët 1966, teksa nuk ka triumfuar kurrë në një Europian, madje kjo është hera e parë që do të luajnë në një finale të këtij turneu. /abcnews.al
