Për prokurorinë e Shkodrës, ndalimi i 5 punonjësve të OSHEE që u arrestuan si të dyshuar për shpërdorim detyre pas zbulimit të një “shtëpie bari” në Bërdicë të Shkodrës është i paligjshëm. Kështu pas disa orësh, 5 punonjësit e OSHEE janë lënë të lirë.
Kujtojmë se aksioni i policisë u organizua mëngjesin e sotëm në Shkodër, ku u zbulua edhe laboratori i përshtatur me kushtet e nevojshme për kultivimin e kanabisit. Policia arrestoi 8 persona mes tyre edhe 5 punonjësit e OSHEE pasi u akuzuan fillimisht se nuk kishin konstatuar vjedhjen e energjisë që duhej për të përshtatur kushtet brenda laboratorit të drogës.
Punonjësit e OSHEE që u liruan janë Indrit Taraboshi, Pavlin Çarri, Agron Hoxha, Hektor Lami dhe Bledar Ahmeti.
/abcnews.al/
