Shtëpia e Bardhë akuzoi të premten presidentin rus Vladimir Putin për kërcënime “tepër të rrezikshme” pasi tha se NATO do të përfshihej në luftë me Moskën nëse Ukraina do të përdorte armë perëndimore.
“Kjo lloj retorike është tepër e rrezikshme,” u tha gazetarëve zëdhënësja Karin Jean-Pierre përpara një takimi midis presidentit Joe Biden dhe kryeministrit britanik Keir Starmer për të lejuar që Kievi të lëshojë raketa me rreze të gjatë veprimi në objektivat ruse.
Shërbimi Federal i Sigurisë i Rusisë (FSB) tha se ministria e Jashtme Britanike po koordinonte “përshkallëzimin e situatës politike dhe ushtarake” në Ukrainë, me qëllim mposhtjen e Rusisë në luftë dhe se gjashtë diplomatët përbënin një kërcënim për sigurinë e vendit.
Zyra e Jashtme eBritanisë u përgjigj duke i quajtur akuzat “plotësisht të pabaza”, duke theksuar se çakreditimi i diplomatëve nga Rusia muajin e kaluar ishte në hakmarrje për veprimet e mëparshme britanike në përgjigje të aktivitetit rus në të gjithë Evropën dhe Mbretërinë e Bashkuar.
