Rrezik për të gjithë, i riu me “BMW” bën cirk në rrugë

Në rrjetet sociale vijojnë të publikohen pamje të shoferëve të papërgjegjshëm të cilët bëhen burim aksidenti në rrugë me sjellje e tyre.

Ashtu siç shihet në një video të postuar në Instagram, një shofer që nget një “BMW” luksoze, parakalon rreshtin e makinave që janë në radhë për shkak të trafikut. Personi në fjalë e nget makinën në mënyrë të rrezikshme dhe pavarësisht se përballë tij vijnë makina të tjera, ai futet në mes tyre duke rrezikuar seriozisht jetën e përdoruesve të tjerë të rrugës.

Ajo që është akoma më shkelje flagrante, është fakti se personi në fjalë filmon të gjithë skenën duke shtuar rrezikun e një aksidenti të mundshëm.

LEXO EDHE: “O djalë, a ka mundësi një minutë?” Policët i marrin leje, por “i forti” me “G Class” ia shkel gazit dhe s’pyet për asnjë

Nuk dihet nëse ky shofer i papërgjegjshëm është ndëshkuar nga policia, por këta të fundit kanë raportuar prej ditësh se ka nisur një aksion duke përdorur edhe vëzhgimet nëpërmjet dronit.

LEXO EDHE:Me logo “Kuvendi”, “kamikazi” me Benz bën parakalime të çmendura në rrugë

Vetëm pak ditë më parë Abcnews.al denoncoi një tjetër video ku një makinë në “logon” Kuvendi, bënte cirk në rrugë./abcnews.al/